റിയാദ്: സൗദി അറേബ്യയില് കോവിഡ് വ്യാപന തോത് കുറയുന്നതായി റിപ്പോര്ട്. മൂന്നര കോടി ജനസംഖ്യയുള്ള രാജ്യത്ത് കഴിഞ്ഞ 24 മണിക്കൂറിനിടെ കോവിഡ് ബാധ സ്ഥിരീകരിച്ചത് 44 പേര്ക്ക് മാത്രമാണ്. രാജ്യത്ത് ഇന്നലെ 37,910 ആര്ടിപിസിആര് പരിശോധനകള് നടന്നു.
58 പേര് രോഗമുക്തി നേടിയപ്പോൾ രാജ്യത്ത് ഇന്നലെ വിവിധ ഭാഗങ്ങളിലായി അഞ്ചുപേര് കോവിഡ് ബാധിച്ച് മരിച്ചെന്നും സൗദി ആരോഗ്യ മന്ത്രാലയം വാര്ത്താ കുറിപ്പില് അറിയിച്ചു. നിലവിൽ രോഗബാധിതരില് 244 പേര് ഗുരുതരാവസ്ഥയിലാണ്.
5,46,926 കോവിഡ് കേസുകളാണ് രാജ്യത്ത് ഇതുവരെ റിപ്പോര്ട് ചെയ്യപ്പെട്ടത്. 5,35,950 പേര് രോഗമുക്തി നേടി. അതേസമയം 8,699 പേർക്ക് രാജ്യത്ത് കോവിഡ് മൂലം ജീവൻ നഷ്ടമായി.
Most Read: ഗുലാബ് ചുഴലിക്കാറ്റ്: മരണം മൂന്നായി; വടക്കൻ ആന്ധ്രയിൽ മഴ തുടരുന്നു