പാലക്കാട്: നഗരത്തിലെ വസ്‌ത്ര വ്യാപാര സ്‌ഥാപനത്തിലെ ജീവനക്കാര്‍ക്ക് കൂട്ടത്തോടെ കോവിഡ് സ്‌ഥിരീകരിച്ചു. പ്രീതി സില്‍ക്‌സ് എന്ന വസ്‌ത്ര വ്യാപാരശാലയിലെ 29 ജീവനക്കാര്‍ക്കാണ് വൈറസ് ബാധ സ്‌ഥിരീകരിച്ചത്.
ഇതോടെ ഇന്‍സ്‌റ്റി‌റ്റ്യൂഷണല്‍ ക്ളസ്‌റ്ററായി മാറിയ വസ്‌ത്രശാല അടച്ചുപൂട്ടാന്‍ ജില്ലാ കളക്‌ടര്‍ ഉത്തരവിട്ടു. വസ്‌ത്ര നിർമാണ ശാലയിലേത് ഉൾപ്പടെ ആകെ 34 കോവിഡ് കേസുകളാണ് പാലക്കാട് നഗരത്തിൽ മാത്രം നിലവിൽ റിപ്പോർട് ചെയ്‌തത്‌.
കഴിഞ്ഞ 24 മണിക്കൂറിനിടെ പാലക്കാട് ജില്ലയിൽ 481 പുതിയ കേസുകൾ റിപ്പോര്‍ട് ചെയ്യപ്പെട്ടിട്ടുണ്ട്. 99 പേര്‍ രോഗമുക്‌തി നേടുകയും ചെയ്‌തിട്ടുണ്ട്‌.
Malabar News: നിലമ്പൂരിൽ യുഡിഎഫ്-ബിജെപി വോട്ട് കച്ചവടം; ആരോപണവുമായി പിവി അൻവർ
