തിരുവനന്തപുരം: നിയമസഭ ഉള്പ്പെടെയുള്ള സ്ഥാപനങ്ങളെ കരുവാക്കി മയക്കുമരുന്നു കേസിലും സ്വര്ണക്കടത്ത് കേസിലും കേന്ദ്ര ഏജന്സികളുടെ അന്വേഷണം തടയാന് സര്ക്കാര് ശ്രമിക്കുന്നുവെന്ന് പ്രതിപക്ഷ നേതാവ് രമേശ് ചെന്നിത്തല. നിയമാനുസൃതമായ അന്വേഷണമാണ് കേന്ദ്ര ഏജന്സികള് നടത്തുന്നത് കൊണ്ടാണ് അന്വേഷണത്തെ മുഖ്യമന്ത്രി പരസ്യമായി തള്ളിപ്പറയാത്തത്. മുഖ്യമന്ത്രിയാണ് കേന്ദ്ര ഏജന്സികളെ ക്ഷണിച്ചത്. എൻഫോഴ്സ്മെന്റ് ഡയറക്ടറേറ്റ് റെയ്ഡ് നടത്തിയപ്പോഴുള്ള പോലീസ് ഇടപെടല് നീതിന്യായ വ്യവസ്ഥയോടുള്ള വെല്ലുവിളിയാണെന്നും ചെന്നിത്തല പറഞ്ഞു.
Also Read: സ്കൂളുകൾ തുറക്കാൻ സജ്ജമെന്ന് വിദ്യാഭ്യാസ വകുപ്പ്
സര്ക്കാരിന്റെ അഴിമതി മൂടിവെക്കാനും അന്വേഷണം അട്ടിമറിക്കാനും നിയമസഭയെ പോലും കരുവാക്കുന്നത് അംഗീകരിക്കാനാവില്ല. സ്പീക്കറും പ്രിവിലേജ് ആന്ഡ് എത്തിക്സ് സമിതിയും ഇല്ലാത്ത അധികാരമാണ് പ്രയോഗിച്ചതെന്നും രമേശ് ചെന്നിത്തല കുറ്റപ്പെടുത്തി.
