ന്യൂഡെൽഹി: ജമ്മു കശ്മീരിൽ നിയന്ത്രണ രേഖയിലൂടെ ഇന്ത്യയിലേക്ക് നുഴഞ്ഞുകയറാൻ ശ്രമിച്ച പാക് ഭീകരരുമായുള്ള ഏറ്റുമുട്ടലിനിടെ വീരമൃത്യു വരിച്ച മലയാളി സൈനികന് ശൗര്യചക്ര. കോഴിക്കോട് സ്വദേശിയായ നയ്ബ് സുബേദാർ എം ശ്രീജിത്തിന് മരണാനന്തര ബഹുമതിയായാണ് ധീരതയ്ക്കുള്ള ശൗര്യചക്ര പുരസ്കാരം നൽകി രാജ്യം ആദരിച്ചത്.
ശ്രീജിത്ത് ഉൾപ്പടെ അഞ്ച് സൈനികരാണ് മരണാനന്തര ബഹുമതിയായി ശൗര്യചക്രയ്ക്ക് അർഹരായത്. കഴിഞ്ഞ ജൂലൈയിലായിരുന്നു ഏറ്റുമുട്ടൽ. കൊയിലാണ്ടി പൂക്കാട് തിരുവങ്ങൂർ മാക്കാട് വൽസന്റെയും ശോഭനയുടെയും മകനാണ് ശ്രീജിത്ത്. ഭാര്യ: ഷജിന, മക്കൾ: അതുൽജിത്ത്, തൻമയ. സർവീസിലിരിക്കെ സേനാമെഡലും ശ്രീജിത്തിന് ലഭിച്ചിരുന്നു.
അതേസമയം, 2020 ഒക്ടോബർ 22ന് പമ്പയിൽ ഒഴുക്കിൽപ്പെട്ടയാൾക്കായുള്ള തിരച്ചിലിനിടെ റബർ ഡിങ്കി (ചെറുബോട്ട്) മറിഞ്ഞ് മരിച്ച പത്തനംതിട്ട ഫയർ സ്റ്റേഷനിലെ ഫയർ ആൻഡ് റെസ്ക്യൂ ഓഫിസർ ആർആർ ശരത്തിന് (30) സർവോത്തം ജീവൻരക്ഷാ പതക് ലഭിച്ചു. തിരുവനന്തപുരം ഒറ്റശേഖരമംഗലം മണലുവിളാകം ശരത് ഭവനിൽ രാജേശ്വരന്റെയും രത്ന കുമാരിയുടെയും മകനാണ്. ഭാര്യ: അഖില, മകൻ: അഥർവ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
