തിരുവനന്തപുരം: തമ്പാനൂർ റെയിൽവേ സ്റ്റേഷനിലെ പാർക്കിംഗ് ഏരിയയിൽ നിർത്തിയിട്ടിരുന്ന കാറുകൾ തകർത്ത സംഭവത്തിൽ പ്രതി പിടിയിൽ. പൂജപ്പുര സ്വദേശി എബ്രഹാമാണ് പിടിയിലായത്. ഇയാൾ ലഹരിക്ക് അടിമയായിരുന്നു എന്നാണ് പോലീസ് വ്യക്തമാക്കുന്നത്. 19 വാഹനങ്ങളുടെ ചില്ലുകളാണ് ഇയാൾ തകർത്തത്.
ഇന്നലെ രാത്രിയിലാണ് പേ ആൻഡ് പാർക്കിംഗ് ഗ്രൗണ്ടിൽ നിർത്തിയിട്ടിരുന്ന വാഹനങ്ങൾ തകർത്ത് മോഷണശ്രമം നടന്നത്. ഇന്ന് രാവിലെയോടെ ഉടമസ്ഥർ എത്തിയപ്പോഴാണ് സംഭവം പുറത്തറിയുന്നത്. റെയിൽവേയുടെ ഉടമസ്ഥതയിലുള്ള അതീവ സുരക്ഷാ മേഖലയിലാണ് കവർച്ച നടന്നത്. ഇവിടെ സ്ഥിരമായി സെക്യൂരിറ്റി ജീവനക്കാർ ഉണ്ടാകുന്നതാണ്. എന്നാൽ ഇന്നലെ കനത്ത മഴയെ തുടർന്ന് ഇവർ അൽപനേരം മാറി നിന്നപ്പോഴാണ് പ്രതി വാഹനം തകർത്തതെന്നാണ് കരുതുന്നത്.
Read also: വ്യാജരേഖ ചമയ്ക്കൽ; മോൻസനെതിരെ ഒരു കേസ് കൂടി
