കണ്ണൂർ: തളിപ്പറമ്പിൽ ദിവസങ്ങളായി ലോഡ്‌ജിൽ മുറിയെടുത്ത് ലഹരി ഉപയോഗിച്ചിരുന്ന യുവതികളടക്കം നാലംഗ സംഘം പിടിയിൽ. മട്ടന്നൂർ മരുതായി സ്വദേശി മുഹമ്മദ് ഷംനാദ് (23), വളപട്ടണം സ്വദേശി മുഹമ്മദ് ജെംഷീർ (37), ഇരിക്കൂർ സ്വദേശി റഫീന (24), കണ്ണൂർ സ്വദേശി ജസീന (22) എന്നിവരെയാണ് എക്‌സൈസ് സംഘം പിടികൂടിയത്.
ഇവരിൽ നിന്ന് 490 മില്ലിഗ്രാം എംഡിഎംഎയും ടെസ്‌റ്റ് ട്യൂബുകളും സിറിഞ്ചുകളും പിടികൂടി. സുഹൃത്തിന്റെ വീട്ടിലാണെന്നാണ് യുവതികൾ മാതാപിതാക്കളോട് പറഞ്ഞിരുന്നതെന്നും പല സ്‌ഥലങ്ങളിലായി മുറിയെടുത്ത് ദിവസങ്ങളായി തുടർച്ചയായി ലഹരി ഉപയോഗിച്ച് വരികയായിരുന്നുവെന്നും എക്‌സൈസ് അധികൃതർ പറയുന്നു.
വീട്ടിൽ നിന്ന് വിളിക്കുമ്പോൾ പരസ്‌പരം ഫോൺ കൈമാറി കബളിപ്പിക്കുകയായിരുന്നു. എക്‌സൈസ് ഉദ്യോഗസ്‌ഥർ വിളിക്കുമ്പോഴാണ് ഇവർ പറശ്ശിനിക്കടവിലെ ലോഡ്‌ജിൽ ആയിരുന്നെന്ന് വീട്ടുകാർ അറിഞ്ഞത്.
Most Read| ആഹാ ഇത് കൊള്ളാലോ, വിൽപ്പനക്കെത്തിച്ച കോഴിയെ കണ്ട് കണ്ണുതള്ളി കടയുടമ!
