മാനന്തവാടി: കോവിഡ് കാലത്ത് കെഎസ്ആർടിസി ബസ് സർവീസുകൾ സംബന്ധിച്ച് സർവേ പുരോഗമിക്കുന്നു. ഓരോ ബസ് സർവീസുകളെ കുറിച്ചും, യാത്രക്കാരെ സംബന്ധിച്ചും വിശദമായ സർവേയാണ് നടത്തുന്നത്. കഴിഞ്ഞ ദിവസം ആരംഭിച്ച സർവേ സെപ്റ്റംബർ 26ന് പൂർത്തിയാകും.
ഓരോ റൂട്ടിലേക്കുള്ള യാത്രക്കാരുടെ എണ്ണത്തെ കുറിച്ച് വിശദമായ വിവര ശേഖരണമാണ് ലക്ഷ്യമിടുന്നത്. എല്ലാ ദിവസവും രാവിലെ ആറ് മുതൽ പകൽ 11 വരെയും പകൽ 3 മുതൽ 7 വരെയുള്ള തിരക്കേറിയ സമയത്തെ കണക്കുകളും ശേഖരിക്കുന്നുണ്ട്.
ഓരോ പ്രദേശത്തേക്കും കെഎസ്ആർടിസി ബസ്, പ്രൈവറ്റ് ബസുകൾ, ഓട്ടോ-ടാക്സി വാഹനങ്ങൾ എന്നിവയിലെ യാത്രക്കാരുടെ എണ്ണവും പ്രത്യേകം ശേഖരിക്കുന്നുണ്ട്. വിവരശേഖരണം പൂർത്തിയാക്കുന്നതോടെ ഓരോ പോയിന്റുകളിലേക്കുള്ള സർവീസുകൾ കണ്ടെത്താൻ കഴിയും. മറ്റു വാഹനങ്ങളെ ആശ്രയിക്കുന്ന യാത്രക്കാരുടെ എണ്ണവും ശേഖരിക്കുന്നുണ്ട്.
നഷ്ടത്തിലായ യാത്രാ റൂട്ടുകളെ പ്രത്യേകം പരിഗണിച്ച് ലാഭത്തിലാക്കാൻ ഇതിലൂടെ കഴിയും. കോവിഡ് പ്രതിസന്ധിയിൽ യാത്രക്കാരുടെ എണ്ണം ഗണ്യമായി കുറഞ്ഞെങ്കിലും പുതിയ സർവേയിലൂടെ കെഎസ്ആർടിസി മുഖം മിനുക്കാനും കൂടുതൽ ജനകീയമാക്കാനും കഴിയുമെന്നും കെഎസ്ആർടിസി ഡിപ്പോ അധികൃതർ പ്രതീക്ഷിക്കുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
