പാലക്കാട്: ജില്ലയിൽ കൊലക്കേസ് പ്രതിയും കുടുംബവും പുഴയിൽ ചാടി. പാലക്കാട് ജില്ലയിലെ ലക്കിടിയിലാണ് സംഭവം നടന്നത്. കൂത്തുപാത സ്വദേശിയായ അജിത് കുമാർ, ഭാര്യ ബിജി, മക്കളായ പാറു, അശ്വനന്ദ എന്നിവരാണ് പുഴയിൽ ചാടിയത്. ഇവരിൽ മൂന്ന് പേരുടെ മൃതദേഹം കണ്ടെത്തി. അശ്വനന്ദയുടെ മൃതദേഹമാണ് ഇനി കണ്ടെത്താനുള്ളത്.
അശ്വനന്ദയുടെ മൃതദേഹത്തിനായി നിലവിൽ തിരച്ചിൽ തുടരുകയാണ്. അമ്മാവനെ കൊലപ്പെടുത്തിയ കേസിലെ പ്രതിയാണ് മരിച്ച അജിത് കുമാർ. 2012ലാണ് കൊലപാതകം നടന്നത്. തുടർന്ന് ഈ കേസിലെ വിചാരണ നടക്കുകയാണ്. ഇതിന്റെ മനോവിഷമത്തിലാണ് ആത്മഹത്യ ചെയ്യുന്നതെന്ന് വ്യക്തമാക്കിയ കുറിപ്പ് പോലീസ് കണ്ടെടുത്തിട്ടുണ്ട്.
Read also: സ്വദേശിവൽക്കരണം; ഒമാനിൽ ഈ വർഷം 35,000 പേർക്ക് ജോലി നൽകും
