ആലപ്പുഴ: ക്വട്ടേഷൻ സംഘത്തിന്റെ വെട്ടേറ്റ് കായംകുളത്ത് ഡിവൈഎഫ്ഐ പ്രവർത്തകൻ കൊല്ലപ്പെട്ടു. എംഎസ്എം സ്കൂളിന് സമീപമുള്ള വൈദ്യം വീട്ടിൽ സിയാദ് (36) ആണ് മരിച്ചത്. ചൊവ്വാഴ്ച രാത്രി 10 മണിയോടെ ഫയർ സ്റ്റേഷന് സമീപത്തെ റോഡിൽ വെച്ചായിരുന്നു സംഭവം. ക്വാറന്റൈൻ കേന്ദ്രത്തിൽ ഭക്ഷണം നൽകി മടങ്ങുകയായിരുന്ന സിയാദിനെ ആസൂത്രിതമായി കൊലപ്പെടുത്തുകയായിരുന്നു എന്നാണ് ലഭിക്കുന്ന വിവരം. ഉടൻ തന്നെ ഇയാളെ താലൂക്കാശുപത്രിയിൽ എത്തിച്ചെങ്കിലും മരണം സംഭവിച്ചു കഴിഞ്ഞിരുന്നു. സംഭവവുമായി ബന്ധപ്പെട്ട് നിരവധി ക്രിമിനൽ കേസുകളിൽ പ്രതിയായ മുജീബ് എന്ന വ്യക്തിയെ പോലീസ് തിരയുന്നുണ്ട്.
