തിരുവനന്തപുരം: തദ്ദേശ തിരഞ്ഞെടുപ്പിന്റെ ആദ്യഫലം പുറത്തുവരുമ്പോൾ കോർപറേഷനുകളിൽ യുഡിഎഫിനും പഞ്ചായത്തുകളിൽ എൽഡിഎഫിനും മുന്നേറ്റം. നാല് കോർപറേഷനുകളിൽ എൽഡിഎഫും രണ്ടിടത്ത് എൽഡിഎഫും ലീഡ് ചെയ്യുന്നു.
എൻഡിഎയും സംസ്ഥാനത്ത് കൃത്യമായ സ്ഥാനം ഉറപ്പിച്ചിട്ടുണ്ട്. പല വാർഡുകളിലും എൻഡിഎ സ്ഥാനാർഥികൾ വിജയിക്കുന്നുണ്ട്. തിരുവനന്തപുരം കോർപറേഷൻ മുട്ടട വാർഡിൽ യുഎഡിൽ സ്ഥാനാർഥി വൈഷണ സുരേഷിന് ജയം. വോട്ടർപട്ടികയിൽ നിന്ന് വൈഷ്ണയുടെ പേര് വെട്ടിയത് ഏറെ വിവാദമായിരുന്നു. കോർപറേഷനിലെ ശ്രീകണ്ഠേശ്വരം വാർഡിൽ എൻഡിഎ വിജയിച്ചു. ഒ. സുകന്യയാണ് വിജയിച്ചത്.
പയ്യന്നൂർ നഗരസഭ കാര വാർഡിൽ വിമതനായി മൽസരിച്ച സിപിഎം മുൻ ബ്രാഞ്ച് സെക്രട്ടറി സി.വൈശാഖ് ജയിച്ചു. തേക്കിൻകാട്ടിൽ എൻഡിഎയിലെ പൂർണിമ സുരേഷ് വിജയിച്ചു. കണ്ണംകുളങ്ങരയിൽ എൻഡിഎയിലെ മുംതാസ് വിജയിച്ചു. എടക്കുന്നിയിൽ യുഡിഎഫിലെ രശ്മി ഉണ്ണികൃഷ്ണൻ വിജയിച്ചു.
സംസ്ഥാനത്തെ 244 കേന്ദ്രങ്ങളിലായി വോട്ടെണ്ണൽ പുരോഗമിക്കുകയാണ്. ഗ്രാമപഞ്ചായത്ത്, നഗരസഭ, കോർപറേഷൻ വാർഡുകളിലെ ഫലങ്ങളാണ് ആദ്യം പുറത്തുവരുന്നത്. ജില്ലാ പഞ്ചായത്തുകളിലേത് അടക്കം ഉച്ചയ്ക്ക് രണ്ടുമണിയോടെ പൂർണഫലം അറിയാനാകും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
