ന്യൂഡല്ഹി: വാഹനത്തില് ഒറ്റക്ക് സഞ്ചരിക്കുന്നവര് മാസ്ക് ധരിക്കണമെന്ന നിര്ദേശം നല്കിയിട്ടില്ലെന്ന് കേന്ദ്ര ആരോഗ്യ മന്ത്രാലയം. വാഹനനങ്ങളില് ഒറ്റക്ക് സഞ്ചരിക്കുന്നവര്ക്ക് എതിരെ മാസ്ക് ധരിച്ചില്ലെന്ന കുറ്റത്തിന് പോലീസ് പിഴ ഈടാക്കുന്നുവെന്ന പരാതികള് ഉയരുന്ന പശ്ചാത്തലത്തിലാണ് കേന്ദ്ര ആരോഗ്യ മന്ത്രാലയത്തിന്റെ വിശദീകരണം.
കാറില് ഒറ്റക്ക് സഞ്ചരിക്കുന്നവര് മാസ്ക് ധരിക്കണമെന്ന നിര്ദേശം കേന്ദ്ര ആരോഗ്യ മന്ത്രാലയം നല്കിയിട്ടില്ലെന്ന് സെക്രട്ടറി രാജേഷ് ഭൂഷണ് വാര്ത്താ സമ്മേളനത്തില് വ്യക്തമാക്കി. വാഹനങ്ങളില് ഒറ്റക്ക് സഞ്ചരിക്കുന്നവര്ക്കെതിരെ മാസ്ക് ധരിക്കാത്തതിന് പിഴ ചുമത്തുന്നത് വ്യാപക പരാതിക്ക് ഇടയാക്കിയിരുന്നുവെന്ന് ഐഎഎന്എസ് വാര്ത്താ ഏജന്സി റിപ്പോര്ട്ടു ചെയ്തതിനെ തുടര്ന്നാണിത്.
ഒറ്റക്ക് സൈക്കിള് സവാരിനടത്തുന്നവരും മാസ്ക് ധരിക്കണമെന്ന നിര്ദേശമില്ല. എന്നാല്, ആളുകള് വ്യായാമത്തിനും മറ്റുമായി സൈക്ലിങ് നടത്തുമ്പോള് മാസ്ക് ധരിക്കണമെന്നും അദ്ദേഹം പറഞ്ഞു.