കൊച്ചി: നടിയെ ആക്രമിച്ച കേസിൽ സംസ്ഥാന സർക്കാർ സുപ്രീം കോടതിയെ സമീപിക്കും. വിചാരണാ കോടതി മാറ്റണമെന്ന് ആവശ്യപ്പെട്ടാണ് സുപ്രീം കോടതിയെ സമീപിക്കുന്നത്. സിആർപിസി 406 പ്രകാരമാണ് കോടതി മാറ്റുന്നതിനായി സർക്കാർ സുപ്രീം കോടതിയെ സമീപിക്കുക.
കേസിൽ ഹൈകോടതി ഉത്തരവിനെതിരെയാണ് സർക്കാർ സുപ്രീം കോടതിയെ സമീപിക്കുന്നത്. ഹൈകോടതിയിൽ ഉന്നയിച്ച വാദങ്ങൾ തന്നെയാവും സുപ്രീം കോടതിയിലും സർക്കാർ അറിയിക്കുക. നിയമപരമായ എല്ലാ വശങ്ങളും പരിഗണിച്ചല്ല കേസിൽ ഹൈകോടതി ഉത്തരവ് പുറപ്പെടുവിച്ചെതെന്ന് സർക്കാർ സുപ്രീം കോടതിയെ അറിയിക്കും. 2013ലെ ഭേദഗതി പ്രകാരം മാറ്റങ്ങൾക്ക് അനുസൃതമായല്ല ഹൈകോടതി വിധിയെന്നായിരിക്കും സർക്കാർ ഉന്നയിക്കുന്ന പ്രധാന വാദം.
വിചാരണ കോടതിയിൽ നടന്നിട്ടുള്ള എല്ലാ കാര്യങ്ങളും ഹൈകോടതിയെ അറിയിച്ചിരുന്നു. അക്കാര്യങ്ങളെല്ലാം ചൂണ്ടികാണിച്ചുകൊണ്ടാകും സംസ്ഥാന സർക്കാർ സുപ്രീം കോടതിയെ സമീപിക്കുക.
വിചാരണാകോടതി മാറ്റുന്നതിനായി നേരത്തെ ഹൈകോടതി ഡിവിഷൻ ബെഞ്ചിനെ സമീപിക്കാൻ സർക്കാർ ആലോചിച്ചിരുന്നു. എന്നാൽ ഹൈകോടതി ഫുൾ ബെഞ്ചിന്റെ ഉത്തരവ് ഇതിന് തടസമായതിനാലാണ് സിആർപിസി 406 പ്രകാരം കോടതി മാറ്റം ആവശ്യപ്പെട്ടുകൊണ്ട് സർക്കാർ സുപ്രീം കോടതിയെ സമീപിക്കുന്നത്. ഇത് സംബന്ധിച്ച് ഡെൽഹിയിലുള്ള നിയമ വിദഗ്ധരുമായി കൂടിയാലോചനകൾ നടന്നുവരികയാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
