ബോളിവുഡ് സൂപ്പർ സ്‌റ്റാർ ആലിയ ഭട്ട് ഹോളിവുഡിലും തിളങ്ങാൻ ഒരുങ്ങുന്നു. ടോം ഹാര്‍പ്പര്‍ സംവിധാനം ചെയ്യുന്ന സ്‌പൈ ത്രില്ലര്‍ ‘ഹാര്‍ട്ട് ഓഫ് സ്‌റ്റോണ്‍’ എന്ന ചിത്രത്തിലൂടെയാണ് ആലിയ ഹോളിവുഡിൽ അരങ്ങേറ്റം കുറിക്കാനൊരുങ്ങുന്നത്.
നെറ്റ്ഫ്ളിക്‌സ് ഇന്ത്യയുടെ ഇന്‍സ്‌റ്റഗ്രാം പേജിലൂടെയാണ് ഇക്കാര്യം അറിയിച്ചത്. ഗാല്‍ ഗാഡറ്റ്, ജെയ്‌മി ഡോര്‍മന്‍ എന്നിവര്‍ക്കൊപ്പമാണ് ആലിയ വേഷമിടുന്നത്.
View this post on Instagram
നെറ്റ്ഫ്ളിക്‌സും സ്‌കൈഡാന്‍സും ചേര്‍ന്നാണ് ചിത്രം നിർമിക്കുന്നത്. അതേസമയം ആലിയയുടെ കഥാപാത്രത്തെ കുറിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല.
സഞ്‌ജയ് ലീല ബന്‍സാലി സംവിധാനം ചെയ്‌ത ‘ഗംഗുഭായ് കത്തിയവാടി’യാണ് ആലിയ ഭട്ടിന്റെ ഏറ്റവും പുതിയ ചിത്രം. ഇതിനോടകം 100 കോടി ക്ളബില്‍ ഇടം നേടിക്കഴിഞ്ഞ ചിത്രത്തിലെ ആലിയയുടെ പ്രകടനം മികച്ച അഭിപ്രായമാണ് നേടുന്നത്.
Most Read: യുവത്വമുള്ള ചർമത്തിന് ബോഡി സ്‌ക്രബ്; വീട്ടിൽ തന്നെയുണ്ടാക്കാം
