തൃശൂർ: പുതുക്കാട് ബാറിൽ ജീവനക്കാരനെ കുത്തിക്കൊലപ്പെടുത്തി. എരുമപ്പെട്ടി സ്വദേശി ഹേമചന്ദ്രൻ (64) ആണ് മരിച്ചത്. കൊച്ചിയിലെ സെക്യൂരിറ്റി ജീവനക്കാരനായ അളഗപ്പനഗർ സ്വദേശി സിജോ ജോണാണ് (40) പ്രതി. ഇയാളെ അറസ്‌റ്റ് ചെയ്‌തു. പുതുക്കാട് മേ ഫെയർ ബാറിൽ ഇന്നലെ രാത്രി 11.30ഓടെ ആയിരുന്നു സംഭവം.
വേണ്ടത്ര ടച്ചിങ്‌സ് നൽകാത്തതിനെ തുടർന്നുണ്ടായ തർക്കമാണ് വാക്കുതർക്കത്തിലും കയ്യാങ്കളിയിലും ഒടുവിൽ കൊലപാതകത്തിലും കലാശിച്ചത്. ബാറിലെത്തിയ സിജോ മദ്യപിക്കുന്നതിനോടൊപ്പം ടച്ചിങ്‌സ് ആവശ്യപ്പെട്ടിരുന്നു. ഏതാണ്ട് എട്ടുതവണ ടച്ചിങ്‌സ് ചോദിച്ചു. പിന്നാലെ വാക്കുതർക്കമുണ്ടായി. ജീവനക്കാരന് നേരെ ഭീഷണി മുഴക്കിയ സിജോ ബാർ വിട്ട് പുറത്തേക്ക് പോയി.
പിന്നീട് രാത്രി ബാർ പൂട്ടിയിറങ്ങിയ ഹേമചന്ദ്രനെ പുറത്ത് കാത്തുനിന്ന സിജോ കത്തികൊണ്ട് കഴുത്തിൽ കുത്തുകയായിരുന്നു. ശേഷം സിജോ ഓടിരക്ഷപ്പെട്ടു. പിന്നീട് സിസിടിവി ദൃശ്യങ്ങളുടെയും മൊഴികളുടെയും അടിസ്‌ഥാനത്തിൽ പോലീസ് നടത്തിയ അന്വേഷണത്തിലാണ് പുലർച്ചെയോടെ സിജോ പിടിയിലായത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
