ആലപ്പുഴ: തുറവൂരിൽ ബൈക്കിന് പിന്നിൽ സ്വകാര്യ ബസിടിച്ച് അച്ഛനൊപ്പം യാത്ര ചെയ്യുകയായിരുന്ന മകന് ദാരുണാന്ത്യം. ദേശീയപാതയിൽ പത്‌മാവതി കവലയ്‌ക്ക് സമീപം രാവിലെ 8.30ഓടെയായിരുന്നു അപകടം. വയലാർ 12ആം വാർഡ് തെക്കേചേറുവള്ളി നിഷാദിന്റെ മകൻ ശബരീശൻ അയ്യൻ (12) ആണ് മരിച്ചത്.
നിഷാദും ശബരീശനും സഹോദരൻ ഗൗരീശ നാഥനും ഒന്നിച്ചു വയലാറിൽ നിന്ന് തുറവൂരിലേക്ക് ബൈക്കിൽ പോകുന്നതിനിടെ ആയിരുന്നു അപകടം. ബസ് തട്ടിയതോടെ ബൈക്ക് നിയന്ത്രണം വിടുകയും പിന്നിലിരുന്നു ശബരീശൻ വഴിയിലേക്ക് തെറിച്ചുവീണ് ബസിനടിയിൽ പെടുകയുമായിരുന്നു. ബസിന്റെ പിൻചക്രം കയറിയാണ് കുട്ടി മരിച്ചത്.
നിസ്സാര പരിക്കുകളോടെ നിഷാദും ഗൗരീശ നാഥനും തുറവൂർ ഗവ. ആശുപത്രിയിൽ ചികിൽസയിലാണ്. പട്ടണക്കാട് ബിഷപ് മൂർ സ്‌കൂളിലെ അഞ്ചാം ക്ളാസ് വിദ്യാർഥിയാണ് മരിച്ച ശബരീശൻ.
Most Read| ‘തനിയെ നെന്നിനീങ്ങുന്ന കല്ലുകൾ’; ഡെത്ത് വാലിയിലെ നിഗൂഢമായ രഹസ്യം!
