ഏറ്റവും കനംകുറഞ്ഞ നൂഡിൽസ്; ഇതാണ് ഗിന്നസ് റെക്കോർഡ് നേടിയ ആ മനുഷ്യൻ
ചൈനയിൽ നിന്നുള്ള 'ലി എൻറോയ്' എന്ന ഷെഫ് റെക്കോർഡ് നേടിയിരിക്കുന്നത് ലോകത്തിലെ ഏറ്റവും നേർത്ത നൂഡിൽസ് ഉണ്ടാക്കിയിട്ടാണ്. അദ്ദേഹം ഉണ്ടാക്കിയ ഓരോ നൂഡിൽസ് നാരുകളുടെയും കനം 0.18 മില്ലീമീറ്ററിൽ മാത്രമാണത്രെ. അതായത്, ഒരു മുടിയിഴയേക്കാൾ കനം കുറഞ്ഞത് എന്നർഥം.
പലതരം കാര്യങ്ങളിൽ വേൾഡ് റെക്കോർഡുകൾ നേടിയ ആളുകളെ കുറിച്ച് നമ്മൾ കേട്ടിട്ടുണ്ട് അല്ലേ? കേൾക്കുമ്പോൾ ചെയ്യാൻ പ്രയാസമെന്ന് തോന്നുന്ന പല കാര്യങ്ങളും ഈ ലോക റെക്കോർഡ് സ്വന്തമാക്കുന്നതിന് വേണ്ടി ആളുകൾ ചെയ്യാറുണ്ട്. അതുപോലെ, ചൈനയിൽ നിന്നുള്ള ‘ലി എൻറോയ്’ എന്ന ഷെഫ് റെക്കോർഡ് നേടിയിരിക്കുന്നത് ലോകത്തിലെ ഏറ്റവും നേർത്ത നൂഡിൽസ് ഉണ്ടാക്കിയിട്ടാണ്.
അദ്ദേഹം ഉണ്ടാക്കിയ ഓരോ നൂഡിൽസ് നാരുകളുടെയും കനം 0.18 മില്ലീമീറ്ററിൽ മാത്രമാണത്രെ. അതായത്, ഒരു മുടിയിഴയേക്കാൾ കനം കുറഞ്ഞത് എന്നർഥം. ഇതിനുമുൻപ്, 2010ൽ ഇറ്റലിയിലെ ലോ ഷോ ഡെയ് റെക്കോർഡിലാണ് ഷെഫായ എൻറോയ് റെക്കോർഡ് നേടിയത്. അന്ന് അദ്ദേഹം നിർമിച്ച നൂഡിൽസ് 0.33 മില്ലീമീറ്റർ (0.01 ഇഞ്ച്) ആയിരുന്നു.
ഏറ്റവും നേർത്ത നൂഡിൽസ് തയ്യാറാക്കുന്നതിലെ രാജാവ് എന്നാണ് ലി എൻറോയ് ഇതോടെ അറിയപ്പെട്ടിരുന്നത്. ഇപ്പോൾ ഗിന്നസ് റെക്കോർഡ് കൂടി സ്വന്തമാക്കിയതോടെ അദ്ദേഹത്തിന്റെ ആരാധക വലയം കൂടി. അദ്ദേഹം നൂഡിൽസ് തയ്യാറാക്കുന്നതിന്റെ വീഡിയോയും ഗിന്നസ് വേൾഡ് റെക്കോർഡ് സോഷ്യൽ മീഡിയയിൽ പങ്കുവെച്ചിട്ടുണ്ട്. നിരവധിപ്പേരാണ് ഈ വീഡിയോ കണ്ടത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
