മുഖ്യമന്ത്രി യുഎസിലേക്ക് പുറപ്പെട്ടു; പകരം ചുമതല ആർക്കുമില്ല
ഡോ. ഹാരിസിന്റെ വെളിപ്പെടുത്തലിന്റെ പശ്ചാത്തലത്തിൽ സംസ്ഥാനത്തെ ആരോഗ്യരംഗത്തെ പോരായ്മകൾ സംബന്ധിച്ച് വലിയതോതിൽ ചർച്ചകൾ നടക്കുന്നതിനിടെയാണ് മുഖ്യമന്ത്രി തുടർചികിൽസയ്ക്കായി യുഎസിലേക്ക് പോയിരിക്കുന്നത്.
തിരുവനന്തപുരം: മുഖ്യമന്ത്രി പിണറായി വിജയൻ യുഎസിലേക്ക് പുറപ്പെട്ടു. ഇന്ന് പുലർച്ചെയുള്ള വിമാനത്തിലാണ് ഭാര്യ കമലയ്ക്കും സഹായികൾക്കുമൊപ്പം യുഎസിലേക്ക് പുറപ്പെട്ടത്. വിദഗ്ധ ചികിൽസയ്ക്കായാണ് യുഎസിലേക്ക് പോയത്. ചീഫ് സെക്രട്ടറി എ ജയതിലകും പോലീസ് മേധാവി റവാഡ ചന്ദ്രശേഖറും മുഖ്യമന്ത്രിയെ യാത്രയാക്കാൻ പുലർച്ചെ വിമാനത്താവളത്തിൽ എത്തിയിരുന്നു.
യുഎസിലേക്ക് പോകുന്നതിന്റെ ഭാഗമായി മുഖ്യമന്ത്രി ചുമതല ആർക്കും കൈമാറിയിട്ടില്ല. യുഎസിലിരുന്ന് സ്ഥാനഭരണം നിയന്ത്രിക്കും. ആവശ്യമെങ്കിൽ മന്ത്രിസഭാ യോഗങ്ങളിൽ ഓൺലൈനായി പങ്കെടുക്കും. ഫയലുകൾ ഇ-ഓഫിസ് വഴി കൈകാര്യം ചെയ്യും. പത്ത് ദിവസത്തോളം മുഖ്യമന്ത്രി യുഎസിലായിരിക്കുമെന്ന് ഓഫീസ് അറിയിച്ചു.
ഡോ. ഹാരിസിന്റെ വെളിപ്പെടുത്തലിന്റെ പശ്ചാത്തലത്തിൽ സംസ്ഥാനത്തെ ആരോഗ്യരംഗത്തെ പോരായ്മകൾ സംബന്ധിച്ച് വലിയതോതിൽ ചർച്ചകൾ നടക്കുന്നതിനിടെയാണ് മുഖ്യമന്ത്രി തുടർചികിൽസയ്ക്കായി യുഎസിലേക്ക് പോയിരിക്കുന്നത്. മുൻപ് മയോ ക്ളിനിക്കിൽ നടത്തിയിരുന്ന ചികിൽസയുടെ ഭാഗമായുള്ള പരിശോധനകൾക്കാണ് മുഖ്യമന്ത്രിയുടെ യാത്ര.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
