ഈ മാസം ഒമ്പതിനാണ് ബേപ്പൂർ പുറംകടലിൽ വെച്ച് കപ്പലിന് തീപിടിക്കുകയും തുടർന്ന് ഇന്ധനവും മറ്റ് എണ്ണകളും കണ്ടെയ്നറുകളും കടലിലേക്ക് വീഴുകയും ചെയ്തത്. കൂടാതെ, തീപിടിത്തത്തിലൂടെ കണ്ടെയ്നറുകളിൽ നിന്ന് ഉപദ്രവകാരികളായ വാതകങ്ങളും മറ്റ് രാസവസ്തുക്കളും പുറന്തള്ളപ്പെടുകയും ചെയ്തു.
തിരുവനന്തപുരം: ബേപ്പൂർ- അഴീക്കൽ തുറമുഖങ്ങളുടെ പടിഞ്ഞാറ് ഭാഗത്തായി അറബിക്കടലിൽ വാൻ ഹായ് 503 എന്ന കപ്പലിന് തീപിടിച്ച സംഭവത്തിൽ ഫോർട്ട് കൊച്ചി തീരദേശ പോലീസ് കേസെടുത്തു. അപകടകരമായ വിധത്തിൽ കപ്പൽ ഓടിച്ച് അപകടം വരുത്തിയതടക്കം വിവിധ വകുപ്പുകളാണ് ചേർത്തിരിക്കുന്നത്. വടകര ഒഞ്ചിയം സ്വദേശി പിവി സുനീഷാണ് പരാതിക്കാരൻ.
നേരത്തെ, ആലപ്പുഴ പുറംകടലിൽ മുങ്ങിയ എംഎസ്സി എൽസ 3 കപ്പൽ അപകടത്തിൽപ്പെട്ട സംഭവത്തിലെ സമാനമായ വകുപ്പുകൾ ചേർത്താണ് ഈ സംഭവത്തിലും കേസെടുത്തത്. വാൻ ഹായ് 503 എന്ന ചരക്കുകപ്പലിലുള്ള കണ്ടെയ്നറുകളിൽ എളുപ്പത്തിൽ തീ പിടിക്കാൻ സാധ്യതയുള്ള സ്ഫോടക വസ്തുക്കളും രാസവസ്തുക്കളും ഉണ്ടെന്ന് അറിയാമെന്നിരിക്കെ, മനുഷ്യജീവന് അപകടം ഉണ്ടാക്കുംവിധം അപകടകരമായും ഉദാസീനമായും കപ്പൽ കൈകാര്യം ചെയ്തെന്നാണ് പരാതിയിൽ ആരോപിക്കുന്നത്.
ഈ മാസം ഒമ്പതിനാണ് ബേപ്പൂർ പുറംകടലിൽ വെച്ച് കപ്പലിന് തീപിടിക്കുകയും തുടർന്ന് ഇന്ധനവും മറ്റ് എണ്ണകളും കണ്ടെയ്നറുകളും കടലിലേക്ക് വീഴുകയും ചെയ്തത്. കൂടാതെ, തീപിടിത്തത്തിലൂടെ കണ്ടെയ്നറുകളിൽ നിന്ന് ഉപദ്രവകാരികളായ വാതകങ്ങളും മറ്റ് രാസവസ്തുക്കളും പുറന്തള്ളപ്പെടുകയും ചെയ്തു.
ഇത് മൽസ്യത്തൊഴിലാളികളെയും കൂടാതെ, കടലിലെയും കരയിലെയും ആവാസ വ്യവസ്ഥയെയും ജീവജാലങ്ങളെയും പരിസ്ഥിതിയെയും പ്രതികൂലമായി ബാധിക്കുകയും ചെയ്തതായി പരാതിക്കാരൻ ചൂണ്ടിക്കാട്ടുന്നു. അതേസമയം, കപ്പൽ ഇപ്പോഴും കത്തിക്കൊണ്ട് ഒഴുകുകയാണ്. കപ്പലിലെ ജീവനക്കാരിൽ അഞ്ചുപേർ ആശുപത്രിയിൽ ചികിൽസയിലാണ്. കാണാതായ നാലുപേരെ ഇനിയും കണ്ടെത്താനായിട്ടില്ല. ഇന്ന് അർത്തുങ്കലിന് അടുത്ത് അടിഞ്ഞ മൃതദേഹങ്ങളിൽ ഒന്ന് കപ്പൽ ജീവനക്കാരന്റേത് ആണെന്നാണ് സൂചന.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
