തിരുവനന്തപുരം: കോർപറേഷനുകളിലെയും മുനിസിപ്പാലിറ്റികളിലെയും മേയർ, ഡെപ്യൂട്ടി മേയർ സ്ഥാനങ്ങളിലെക്കുള്ള വോട്ടെടുപ്പ് തുടങ്ങി. മേയറെ തിരഞ്ഞെടുത്തതിന് ശേഷമാണ് ഡെപ്യൂട്ടി മേയർ തിരഞ്ഞെടുപ്പ് നടത്തുക. രാവിലെ 10.30ഓടെയാണ് മേയർ തിരഞ്ഞെടുപ്പ് നടത്തുക. രാവിലെ 10.30 ഓടെയാണ് മേയർ തിരഞ്ഞെടുപ്പ് നിശ്ചയിച്ചിട്ടുള്ളത്.
ഉച്ചതിരിഞ്ഞ് രണ്ടരയോടെ ഡെപ്യൂട്ടി മേയർ തിരഞ്ഞെടുപ്പും നടത്തും. സംസ്ഥാനത്തെ ആറ് കോർപറേഷനുകളിൽ കണ്ണൂർ, തൃശൂർ, കൊച്ചി എന്നിവിടങ്ങളിൽ മേയർ സ്ഥാനം വനിതകൾക്കാണ് സംവരണം ചെയ്തിട്ടുള്ളത്.
തിരുവനന്തപുരം നിയുക്ത മേയർ വിവി രാജേഷിനെ മുഖ്യമന്ത്രി പിണറായി വിജയൻ ഫോണിൽ വിളിച്ചു ആശംസകൾ നേർന്നു. തിരുവനന്തപുരം കോർപറേഷനിൽ മേയർ തിരഞ്ഞെടുപ്പ് നടപടികൾ ആരംഭിച്ചു. അതേസമയം, കോൺഗ്രസ് വിമതനായി പൗണ്ടുകടവിൽ മൽസരിച്ച് വിജയിച്ച സ്വതന്ത്രൻ സുധീഷ് കുമാർ വോട്ടെടുപ്പിൽ നിന്ന് വിട്ടുനിൽക്കും.
ഒരു മുന്നണിയെയും പിന്തുണയ്ക്കില്ലെന്ന് സുധീഷ് കുമാർ അറിയിച്ചു. മറ്റൊരു സ്വന്തന്ത്രനായ പാറ്റൂർ രാധാകൃഷ്ണൻ ബിജെപിക്ക് പിന്തുണ അറിയിച്ചിട്ടുണ്ട്. കൊച്ചി കോർപറേഷനിൽ യുഡിഎഫിന്റെ വികെ മിനിമോൾ മേയർ പദവി ഉറപ്പിച്ചു. അംബിക സുദർശനാണ് എൽഡിഎഫിന്റെ മേയർ സ്ഥാനാർഥി. പ്രിയ പ്രശാന്താണ് എൻഡിഎയുടെ മേയർ സ്ഥാനാർഥി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
