കണ്ണൂര്: സമര ഡ്യൂട്ടിയിലുണ്ടായിരുന്ന പൊലീസുകാരന് കോവിഡ് 19 സ്ഥിരീകരിച്ചു. കണ്ണൂരില് കഴിഞ്ഞ ദിവസങ്ങളില് നടന്ന സമരങ്ങളുടെ ഡ്യൂട്ടി ഉണ്ടായിരുന്ന ടൗണ് സ്റ്റേഷനിലെ പൊലീസുകാരനാണ് കോവിഡ് സ്ഥിരീകരിച്ചത്. ഇതേ തുടര്ന്ന് സ്റ്റേഷനി നിരവധി പൊലീസുകാര് നിരീക്ഷണത്തില് പോയി. സ്റ്റേഷന് അണുവിമുക്തമാക്കി.
അതിനിടെ, സംസ്ഥാനത്ത് ഉടനീളം അരങ്ങേറുന്ന സമരങ്ങള്ക്കെതിരെ രൂക്ഷ വിമര്ശനവുമായി ആരോഗ്യമന്ത്രി കെ.കെ ശൈലജ രംഗത്തെത്തി. ഏഴ് മാസത്തെ പ്രവര്ത്തനത്തിന്റെ ഫലം അപകടത്തില് ആക്കരുതെന്നും ആളുകളെ കൂട്ടത്തോടെ മരണത്തിന് വിട്ടു കൊടുക്കരുതെന്നും ആരോഗ്യമന്ത്രി താക്കീത് നല്കി.
ആയിരക്കണക്കിന് ആളുകള് സമരത്തില് പങ്കെടുക്കുന്നത് രോഗവ്യാപനം ഉണ്ടാകുന്ന സ്ഥിതിയാണ് സൃഷ്ടിക്കുന്നത്. ആരോഗ്യ വകുപ്പിന്റെ നിര്ദ്ദേശം ലംഘിക്കുകയാണ് ഇവര് ചെയ്യുന്നതെന്നും ഗുരുതരമായ ശിക്ഷ കൊടുക്കേണ്ട കുറ്റകൃത്യമാണ് ഇതെന്നും ആരോഗ്യമന്ത്രി കൂട്ടിച്ചേര്ത്തു.
