കഠ്‌മണ്ഡു: നേപ്പാളിൽ വൻ ഭൂചലനം. റിക്റ്റർ സ്‌കെയിലിൽ 6.1 തീവ്രത രേഖപ്പെടുത്തിയ ഭൂചലനം, വെള്ളിയാഴ്‌ച പുലർച്ചെ പ്രാദേശിക സമയം 2.51നാണ് അനുഭവപ്പെട്ടത്. രാജ്യത്തിന്റെ മധ്യ മേഖലയിലെ സിന്ധുപാൽ ചൗക്ക് ജില്ലയിലായിരുന്നു ഭൂചലനം. ആളപായമോ വലിയ നാശനഷ്‌ടങ്ങളോ ഉണ്ടായതായി റിപ്പോർട്ടില്ല.
ഭൈരവ്‌കുണ്ഡ് ആണ് പ്രഭവ കേന്ദ്രമെന്ന് ദേശീയ ഭൂചലന നിരീക്ഷണ, ഗവേഷണ കേന്ദ്രം അറിയിച്ചു. നേപ്പാളിലെ കിഴക്കൻ, മധ്യ മേഖലകളിലെ ആളുകൾക്കും ഭൂചലനം അനുഭവപ്പെട്ടു. ഇന്ത്യയുടേയും ടിബറ്റിന്റെയും അതിർത്തി പ്രദേശങ്ങളിലും ചൈനയിലും ഭൂചലനമുണ്ടായി.
Most Read| ബ്രസീലിൽ 40 കോടി രൂപയ്‌ക്ക് വിറ്റു; നെല്ലോർ പശു ഒടുവിൽ ഗിന്നസ് ബുക്കിൽ
