ഹേമ കമ്മിറ്റി റിപ്പോർട്; രജിസ്‌റ്റർ ചെയ്‌തത്‌ 40 കേസുകൾ- കുറ്റപത്രം നൽകിയവ ഏഴ്
റിപ്പോർട്ടിന്റെ അടിസ്‌ഥാനത്തിൽ 35 കേസുകളെടുത്തു. നോഡൽ ഓഫീസർക്ക് ലഭിച്ച പരാതിയുടെ അടിസ്‌ഥാനത്തിലാണ്‌ അഞ്ച് കേസുകൾ. ഏഴ് കേസുകളിൽ കുറ്റപത്രം നൽകിയെന്നും, മൂന്ന് കേസുകളിൽ ഉടൻ എഫ്‌ഐആർ രജിസ്‌റ്റർ ചെയ്യുമെന്നും സർക്കാർ കോടതിയെ അറിയിച്ചു.
കൊച്ചി: മലയാള സിനിമാ മേഖലയിലെ സ്‌ത്രീകൾക്കെതിരായ അതിക്രമങ്ങളെ കുറിച്ച് പഠിച്ച ഹേമ കമ്മിറ്റി റിപ്പോർട് പുറത്തുവന്നതിന് പിന്നാലെ ഇതുവരെ 40 കേസുകൾ രജിസ്‌റ്റർ ചെയ്‌തെന്ന് സംസ്‌ഥാന സർക്കാർ ഹൈക്കോടതിയെ അറിയിച്ചു.
റിപ്പോർട്ടിന്റെ അടിസ്‌ഥാനത്തിൽ 35 കേസുകളെടുത്തു. നോഡൽ ഓഫീസർക്ക് ലഭിച്ച പരാതിയുടെ അടിസ്‌ഥാനത്തിലാണ്‌ അഞ്ച് കേസുകൾ. ഏഴ് കേസുകളിൽ കുറ്റപത്രം നൽകിയെന്നും, മൂന്ന് കേസുകളിൽ ഉടൻ എഫ്‌ഐആർ രജിസ്‌റ്റർ ചെയ്യുമെന്നും സർക്കാർ കോടതിയെ അറിയിച്ചു.
അതേസമയം, വിനോദമേഖലയിലെ നിയമനിർമാണം സംബന്ധിച്ച നയം രൂപീകരിക്കേണ്ടത് സർക്കാരിന്റെ ചുമതലയാണെന്ന് ഹൈക്കോടതി വ്യക്‌തമാക്കി. സ്‌ത്രീ, ദലിത് വിഭാഗങ്ങളെയെല്ലാം പ്രതിനിധീകരിക്കുന്ന രീതിയിലാകണം നിയമനിർമാണമെന്നും കോടതി നിർദ്ദേശിച്ചു.
ഇതിനുള്ള ക്രോഡീകരിച്ച കരട് നിർദ്ദേശങ്ങൾ അമിക്കസ് ക്യൂറി ഹൈക്കോടതിക്ക് കൈമാറി. ജസ്‌റ്റിസുമാരായ ഡോ. എകെ ജയശങ്കരൻ നമ്പ്യാർ, സിഎസ് സുധ എന്നിവരുടെ ഡിവിഷൻ ബെഞ്ച് ഫെബ്രുവരി ആറിന് ഹരജി വീണ്ടും പരിഗണിക്കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
