തിരുവനന്തപുരം: കേരള സംഗീത നാടക അക്കാദമിയില് നിന്നും നേരിട്ട ജാതി വിവേചനത്തിന്റെ പേരില് നര്ത്തകനും അന്തരിച്ച നടന് കലാഭവന് മണിയുടെ സഹോദരനുമായ ആര്.എല്.വി. രാമകൃഷ്ണന് ആത്മഹത്യക്ക് ശ്രമിച്ച സംഭവത്തില് സംസ്ഥാന മനുഷ്യാവകാശ കമ്മീഷന് അന്വേഷണത്തിന് ഉത്തരവിട്ടു. മനുഷ്യാവകാശ പ്രവര്ത്തകനായ ഡോ.ഗിന്നസ് മാടസ്വാമി സമര്പ്പിച്ച പരാതിയുടെ അടിസ്ഥാനത്തിലാണ് കമ്മീഷന് ഉത്തരവ്.
ആര്.എല്.വി.രാമകൃഷ്ണന് മോഹിനിയാട്ടത്തില് ഡോക്റ്ററേറ്റുള്ള ആളാണെന്നും ദളിത് വിഭാഗത്തില് ഉള്പ്പെട്ടതുകൊണ്ട് മാത്രമാണ് അദ്ദേഹം അക്കാദമിയുടെ ഓണ്ലൈന് ക്ലാസില് നിന്നും പിന്തള്ളപ്പെട്ടതെന്നും പരാതിയില് പറയുന്നു. പരാതിയില് കഴമ്പുണ്ടെന്ന് കമ്മീഷന് ഉത്തരവില് വ്യക്തമാക്കി.
സാംസ്കാരിക വകുപ്പ് പ്രിന്സിപ്പല് സെക്രട്ടറി സംഭവത്തില് അന്വേഷണം നടത്തി രണ്ടാഴ്ചക്കകം റിപ്പോര്ട്ട് സമര്പ്പിക്കണമെന്ന് കമ്മിഷന് ഉത്തരവിട്ടു. കൂടാതെ കേരള സംഗീത നാടക അക്കാദമി അധ്യക്ഷയും അക്കാദമി സെക്രട്ടറിയും റിപ്പോര്ട്ട് ഹാജരാക്കണമെന്നും കമ്മിഷന് ആവശ്യപ്പെട്ടു.
കഴിഞ്ഞ ദിവസമാണ് രാമകൃഷ്ണനെ അബോധാവസ്ഥയില് കണ്ടെത്തിയത്. കേരള സംഗീത നാടക അക്കാദമിയില് മോഹിനിയാട്ടം അവതരിപ്പിക്കാന് അവസരം ലഭിച്ചിച്ചില്ലെന്ന് ചൂണ്ടിക്കാട്ടി ഇദ്ദേഹം മുഖ്യമന്ത്രിക്ക് പരാതി നല്കിയിരുന്നു. ഇതിനിടെയായിരുന്നു ആത്മഹത്യാ ശ്രമം. അക്കാദമി സെക്രട്ടറി തന്നോട് ജാതിവിവേചനം കാണിച്ചുവെന്നും ഇദ്ദേഹം ആരോപിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
