ലഖ്നൗ: ഹത്രസില് പെണ്കുട്ടിയെ കൊലപ്പെടുത്തിയ പ്രതികളെ രക്ഷിക്കാന് ബി ജെ പി നേതാവിന്റെ വീട്ടില് സവര്ണ വിഭാഗക്കാര് യോഗം ചേര്ന്ന സംഭവത്തില് സര്ക്കാരിനെ വിമര്ശിച്ച് അഭിഭാഷകന് പ്രശാന്ത് ഭൂഷണ്.
ബലാല്സംഗ കേസിലെ പ്രതികളെ പിന്തുണച്ച് ഉയര്ന്ന സവര്ണ ജാതിക്കാരുടെ പൊതുയോഗം കോവിഡ് ആണെങ്കിലും അല്ലെങ്കിലും പൊലീസും യുപി സര്ക്കാറും അനുവദിക്കുമെന്നും അതേസമയം ഗ്രാമത്തിലേക്ക് മാദ്ധ്യമങ്ങള്ക്കും പ്രതിപക്ഷ നേതാക്കള്ക്കും പോലും പ്രവേശനം നിഷേധിക്കുന്ന യോഗി ആരുടെ കൂടെയാണെന്ന് നിങ്ങള്ക്ക് മനസിലാക്കാന് കഴിയുമെന്നുമാണ് പ്രശാന്ത് ഭൂഷണ് ട്വീറ്റ് ചെയ്തത്.
പ്രതികള്ക്ക് ‘നീതി ലഭിക്കണം’ എന്ന് ആവശ്യപ്പെട്ട് കൊല്ലപ്പെട്ട പെണ്കുട്ടിയുടെ വീടിന് സമീപത്തുള്ള ബിജെപി നേതാവിന്റെ വീട്ടില് യോഗം ചേര്ന്നിരുന്നു. ഹത്രസ് പെണ്കുട്ടിക്ക് നീതി തേടി രാജ്യം മുഴുവന് പ്രതിഷേധം ഉയരുന്നതിന് ഇടയിലാണ് കുറ്റവാളികളെ രക്ഷിക്കാന് ബിജെപി നേതാവിന്റെ വീട്ടില് സവര്ണ വിഭാഗക്കാര് യോഗം ചേര്ന്നത്. അതേസമയം, ഹത്രസില് കൊല്ലപ്പെട്ട പെണ്കുട്ടിയുടെ കുടുംബത്തെ സന്ദര്ശിച്ചതിന് പിന്നാലെ ഭീം ആര്മി നേതാവ് ചന്ദ്രശേഖര് ആസാദിനെതിരെ യുപി പൊലീസ് കേസെടുത്തു.
Read also: ഭീം ആര്മി തലവന് ചന്ദ്രശേഖര് ആസാദിനെതിരെ കേസെടുത്ത് യു പി പോലീസ്