ലഖ്‌നൗ: ഹത്രസില്‍ കൊല്ലപ്പെട്ട പെണ്‍കുട്ടിയുടെ കുടുംബത്തെ സന്ദര്‍ശിച്ച ഭീം ആര്‍മി തലവന്‍ ചന്ദ്രശേഖര്‍ ആസാദിനെതിരെ കേസെടുത്ത് യു പി പോലീസ്. നിരോധനാജ്‌ഞ ലംഘിച്ചു കൂട്ടം കൂടിയതിനാണ് കേസ്. പകര്‍ച്ച വ്യാധി നിയന്ത്രണ നിയമം ഉള്‍പ്പടെ ചുമത്തിയാണ് ആസാദിനും കൂടെയുള്ള 400 പേര്‍ക്കുമെതിരെ പോലീസ് കേസ് എടുത്തിട്ടുള്ളത്.
ഹത്രസിലെ പെണ്‍കുട്ടിയുടെ കുടുംബത്തെ സന്ദര്‍ശിക്കുവാന്‍ പോകുന്നതിനിടയില്‍ യു പി പോലീസ് ആസാദിനെയും സംഘത്തിനെയും തടഞ്ഞിരുന്നു. പിന്നീട് കാല്‍നടയായാണ് സംഘം ഹത്രസിലേക്ക് എത്തിയത്. കുടുംബത്തിന് സുരക്ഷ നല്‍കണമെന്ന് ചന്ദ്രശേഖര്‍ ആസാദ് പറഞ്ഞിരുന്നു. കോണ്‍ഗ്രസ് നേതാക്കളായ രാഹുല്‍ ഗാന്ധിയും പ്രിയങ്ക ഗാന്ധിയും ഹത്രസില്‍ സന്ദര്‍ശനം നടത്തി കുടുംബാംഗങ്ങളെ കണ്ടിരുന്നു.
Read also: ഡി കെ ശിവകുമാറിന്റെ വീട്ടില്‍ സിബിഐ റെയ്‌ഡ്
