ഫത്തോർദ: ഐഎസ്എല്ലിൽ ഇന്ന് മുംബൈ സിറ്റി-എഫ്‍സി ഗോവ പോരാട്ടം. രാത്രി 7.30ന് ഗോവയിലെ ഫത്തോർദ സ്‌റ്റേഡിയത്തിലാണ് മൽസരം. ടൂർണമെന്റിൽ നിലവിലെ ചാമ്പ്യൻമാരാണ് മുംബൈ സിറ്റി. ഇക്കഴിഞ്ഞ സീസണിൽ സ്വപ്‌ന തുല്യമായ പടയോട്ടമായിരുന്നു മുംബൈയുടേത്. കിരീടം നിലനിർത്താനുറച്ച് ഇറങ്ങുന്ന മുംബൈക്ക് ഇക്കുറി കാര്യങ്ങൾ അത്ര എളുപ്പമല്ല.
ഡെസ് ബക്കിംഗ്ഹാം പരിശീലകനായ ടീമിന് ആദ്യ മൽസരത്തിൽ തന്നെ എതിരാളി കരുത്തരായ ഗോവയാണ്. ഇഗോർ അംഗുലോയും, യോഗോർ കാറ്റാറ്റോയും, ബിപിൻ സിംഗുമാണ് മുംബൈ ആക്രമണ നിരയിൽ. മധ്യനിരയിൽ ലാലെങ്മാവിയയും റോളിൻ ബോർഗസും, റെയ്‌നിയർ ഫെർണാണ്ടസും കാസിയോ ഗബ്രിയേലും കളി മെനയും.
ഗ്ളെൻ മാർട്ടിൻസ്-ബ്രണ്ടൻ ഫെർണാണ്ടസ്-എഡു ബേഡിയ തുടങ്ങിയവർ അണിനിരക്കുന്ന പ്രതിഭാസമ്പന്നമായ മധ്യനിരയാണ് ഗോവയുടെ കരുത്ത്. മുൻ ബ്ളാസ്‌റ്റേഴ്‌സ് താരം ധീരജ് സിംഗ് ആണ് ഗോൾ വല കാക്കുക. ഡ്യൂറൻഡ് കപ്പ് വിജയത്തോടെയാണ് ഗോവൻ ടീം ഐഎസ്എല്ലിന് എത്തുന്നത്. ഇക്കുറി കിരീടം നേടുക മാത്രമാവും അവരുടെ ലക്ഷ്യം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
