എസ്എഫ്ഐ പ്രതിഷേധം; വിവാദ ഉത്തരവ് പിൻവലിച്ച് കണ്ണൂർ സർവകലാശാല
സർവകലാശാലയിൽ നടക്കുന്ന പരിപാടിയിൽ ദേശവിരുദ്ധമായി ഒന്നുമില്ലെന്ന് ഉറപ്പുവരുത്താനാണ് വൈസ് ചാൻസലർ ഡോ. കെകെ സാജുവിന്റെ നിർദ്ദേശപ്രകാരം രജിസ്‌ട്രാർ ഏഴംഗ സമിതി രുപീകരിച്ച് ഉത്തരവിറക്കിയത്. ഇത് വ്യാപക പ്രതിഷേധത്തിന് ഇടയാക്കിയിരുന്നു.
കണ്ണൂർ: സർവകലാശാലയിൽ നടക്കുന്ന പരിപാടികൾ നിരീക്ഷിക്കാൻ പ്രത്യേക സമിതിയെ രുപീകരിച്ചുകൊണ്ടുള്ള വിവാദ ഉത്തരവ് പിൻവലിച്ചു. സിൻഡിക്കേറ്റ് യോഗത്തിലാണ് വൈസ് ചാൻസലർ ഇക്കാര്യം അറിയിച്ചത്.
സർവകലാശാലയിൽ നടക്കുന്ന പരിപാടിയിൽ ദേശവിരുദ്ധമായി ഒന്നുമില്ലെന്ന് ഉറപ്പുവരുത്താനാണ് വൈസ് ചാൻസലർ ഡോ. കെകെ സാജുവിന്റെ നിർദ്ദേശപ്രകാരം രജിസ്‌ട്രാർ ഏഴംഗ സമിതി രുപീകരിച്ച് ഉത്തരവിറക്കിയത്. ഇത് വ്യാപക പ്രതിഷേധത്തിന് ഇടയാക്കിയിരുന്നു.
ഉത്തരവിൽ പ്രതിഷേധിച്ച് എസ്എഫ്ഐ മാർച്ച് നടത്തി. സർവകലാശാലയിലെ പരിപാടികൾക്ക് മൂക്കുകയറിടുന്നതാണ് ഉത്തരവെന്ന് ആരോപിച്ചാണ് എസ്എഫ്ഐ പ്രതിഷേധ മാർച്ച് സംഘടിപ്പിച്ചത്. കേന്ദ്ര സർക്കാരിനെ രൂക്ഷമായി വിമർശിക്കുന്ന ചിലർ സർവകലാശാലയിലെ പരിപാടികളിൽ അടുത്തിടെ പങ്കെടുത്തിരുന്നു.
ഇതിൽ പ്രതിഷേധിച്ച് സംഘപരിവാർ സംഘടനകൾ പരാതികൾ ഉന്നയിച്ചിരുന്നു. ഇതിന്റെ ചുവടുപിടിച്ചാണ് വിവാദ ഉത്തരവ് പുറപ്പെടുവിച്ചതെന്ന് എസ്എഫ്ഐ ആരോപിച്ചു. പ്രതിഷേധ മാർച്ചിൽ പോലീസും എസ്എഫ്ഐ പ്രവർത്തകരും തമ്മിൽ ഉന്തും തള്ളുമുണ്ടായി. ഇതോടെ വിവാദ ഉത്തരവ് സർവകലാശാല പിൻവലിക്കുകയായിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
