സസ്‌പെൻഷൻ; കെഎസ് അനിൽകുമാർ ഔദ്യോഗിക വാഹനം ഉപയോഗിക്കുന്നത് തടഞ്ഞ് വിസി
വാഹനം ഉപയോഗിക്കുന്നത് തടയാനും വാഹനം യൂണിവേഴ്‌സിറ്റിയുടെ ഗാരിജിൽ സൂക്ഷിക്കാനും വിസി നിർദ്ദേശം നൽകി. കാറിന്റെ താക്കോൽ സെക്യൂരിറ്റി ഓഫീസർ ഡ്രൈവറിൽ നിന്ന് വാങ്ങി മിനി കാപ്പനെ ഏൽപ്പിക്കാനും നിർദ്ദേശിച്ചിട്ടുണ്ട്.
തിരുവനന്തപുരം: കേരള സർവകലാശാലയിലെ അധികാര തർക്കത്തിന് അയവില്ല. രജിസ്‌ട്രാർ ഡോ. കെഎസ് അനിൽകുമാർ ഔദ്യോഗിക വാഹനം ഉപയോഗിക്കുന്നത് തടഞ്ഞ് വിസി ഡോ. മോഹനൻ കുന്നുമ്മൽ. സസ്‌പെൻഷനിലുള്ള രജിസ്‌ട്രാർ ഔദ്യോഗിക വാഹനം ഉപയോഗിക്കുന്നതായി ശ്രദ്ധയിൽപ്പെട്ടതിനെ തുടർന്നാണ് നടപടി.
വാഹനം ഉപയോഗിക്കുന്നത് തടയാനും വാഹനം യൂണിവേഴ്‌സിറ്റിയുടെ ഗാരിജിൽ സൂക്ഷിക്കാനും വിസി നിർദ്ദേശം നൽകി. ഇത് സംബന്ധിച്ച് രജിസ്‌ട്രാറുടെ ചുമതല വഹിക്കുന്ന ഡോ. മിനി കാപ്പനും സെക്യൂരിറ്റി ഓഫീസർക്കുമാണ് വിസി നിർദ്ദേശം നൽകിയത്. കാറിന്റെ താക്കോൽ സെക്യൂരിറ്റി ഓഫീസർ ഡ്രൈവറിൽ നിന്ന് വാങ്ങി മിനി കാപ്പനെ ഏൽപ്പിക്കാനും നിർദ്ദേശിച്ചിട്ടുണ്ട്. അനിൽ കുമാർ അയച്ചിരുന്ന ഫയലുകൾ വിസി മടക്കി അയച്ചിരുന്നു.
രണ്ടാഴ്‌ചയിലധികമായി വൈസ് ചാൻസലർ സർവകലാശാലയിൽ എത്താത്തതും ഫയലുകൾ ഏത് രജിസ്‌ട്രാർക്ക് അയക്കണമെന്ന് ആശയക്കുഴപ്പം നിലനിൽക്കുന്നതും മൂലം ബിരുധ സർട്ടിഫിക്കറ്റുകളിൽ ഒപ്പിടുന്നില്ല. തുല്യതാ സട്ടിഫിക്കറ്റ് അടക്കം വിദ്യാർഥികളുടെ പ്രവേശനത്തെ ബാധിക്കുന്ന സർട്ടിഫിക്കറ്റുകളിൽ തീരുമാനം എടുക്കുന്നതും മുടങ്ങിയിരിക്കുകയാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
