കാലടി ഗ്രാമപഞ്ചായത്ത് പ്രസിഡണ്ട് കെജി ബാബു ലഹരിവിരുദ്ധ കാംപയിൻ ഉൽഘാടനം ചെയ്ത് സംസാരിക്കുന്നു
മലപ്പുറം: ‘ജീവിതം സന്തോഷകരമാക്കാൻ മദ്യവും മയക്കുമരുന്നും ഉപേക്ഷിക്കൂ’ എന്ന സന്ദേശവുമായി പൊന്നാനി കൾച്ചറൽ വേൾഡ് ഫൗണ്ടേഷൻ (പിസിഡബ്ള്യുഎഫ്) നേതൃത്വം നൽകുന്ന ലഹരിവിരുദ്ധ കാംപയിന്റെ ഉൽഘാടനം കാലടി ഗ്രാമപഞ്ചായത്ത് പ്രസിഡണ്ട് കെജി ബാബു നിർവഹിച്ചു.
ഒരുമാസത്തോളം നീണ്ടു നിൽക്കുന്നതാണ് കാംപയിൻ. ലോക ലഹരിവിരുദ്ധ ദിനമായ ജൂൺ 26നാണ് കാംപയിൻ സമാപിക്കുക.
എക്സൈസ്, പോലീസ്, തദ്ദേശസ്വയംഭരണ വകുപ്പുകളുടെയും സാമൂഹ്യ സന്നദ്ധ സംഘടനകളുടെയും ജനപ്രതിനിധികളുടെയും പങ്കാളിത്തം ഉറപ്പാക്കിക്കൊണ്ട് നടത്തുന്ന പരിപാടികൾ പൊന്നാനി താലൂക്കിന്റെ വിവിധ കേന്ദ്രങ്ങളിൽ സംഘടിപ്പിക്കും.
ലഹരിവിരുദ്ധ കാംപയിന്റെ ഉൽഘാടന ചടങ്ങിൽ നിന്ന്
ചന്തപ്പടി പിഡബ്ള്യൂഡി വിശ്രമ കേന്ദ്ര ഹാളിൽ നടന്ന ചടങ്ങിൽ പി കോയക്കുട്ടി മാസ്റ്റർ അധ്യക്ഷത വഹിച്ചു. കെ സിദ്ദീഖ് മൗലവി അയിലക്കാട് മുഖ്യ പ്രഭാഷണം നടത്തി. സിവി മുഹമ്മദ് നവാസ്, ടി മുനീറ, അടാട്ട് വാസുദേവൻ, ഹനീഫ മാളിയേക്കൽ, നിഷാദ് അബൂബക്കർ, ടിവി സുബൈർ, കെപി റംല എന്നിവർ സംസാരിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
