അഹമ്മദാബാദ്: ആരോഗ്യകേന്ദ്രത്തിൽ നിന്ന് കോവിഡ് പരിശോധനാ കിറ്റുകൾ മോഷ്‌ടിച്ചെന്ന കേസിൽ എംബിബിഎസ്‌ വിദ്യാർഥി അറസ്‌റ്റിൽ. അഹമ്മദാബാദ് എൻഎച്ച്എൽ മുനിസിപ്പൽ മെഡിക്കൽ കോളേജിലെ അവസാന സെമസ്‌റ്റർ വിദ്യാർഥിയും ഗാന്ധിനഗർ സ്വദേശിയുമായ മീത് ജെത്വ(21)യെയാണ് പോലീസ് അറസ്‌റ്റ് ചെയ്‌തത്‌.
മാർച്ച് 24നാണ് അഹമ്മദാബാദ് ഗട്ട്ലോഡിയയിലെ അർബൻ ഹെൽത്ത് സെന്ററിൽ (യുഎച്ച്സി) നിന്ന് ഇയാൾ 6.27 ലക്ഷം രൂപയുടെ കോവിഡ് പരിശോധന കിറ്റുകൾ മോഷ്‌ടിച്ചത്.
16 പെട്ടി കോവിഡ് ആന്റിജൻ പരിശോധനാ കിറ്റുകൾ കാണാനില്ലെന്ന് ആരോഗ്യകേന്ദ്രത്തിന്റെ ചുമതലയുള്ള ഡോ. പവൻ പട്ടേൽ മാർച്ച് 24ന് തന്നെ പോലീസിൽ പരാതി നൽകിയിരുന്നു. ജീവനക്കാരാണ് പരിശോധന കിറ്റുകൾ കാണാനില്ലെന്ന് തന്നെ അറിയിച്ചതെന്നും ഒരാൾ കാറിൽ കിറ്റുകൾ കയറ്റിക്കൊണ്ടുപോകുന്നത് ജീവനക്കാരിൽ ഒരാൾ കണ്ടെന്നും പരാതിയിൽ പറയുന്നു.
കാറിന്റെ രജിസ്ട്രേഷൻ നമ്പറും പോലീസിന് കൈമാറിയിരുന്നു. തുടർന്ന് കാറിന്റെ നമ്പർ കേന്ദ്രീകരിച്ച് നടത്തിയ അന്വേഷണത്തിലാണ് പ്രതി പിടിയിലായത്. മാർക്കറ്റിംഗ് രംഗത്ത് ജോലി ചെയ്യുന്ന മറ്റൊരാൾക്ക് വിൽക്കാൻ വേണ്ടിയാണ് ഇയാൾ കോവിഡ് കിറ്റുകൾ മോഷ്‌ടിച്ചതെന്ന് പോലീസ് പറഞ്ഞു. കോവിഡ് പരിശോധനക്ക് ശേഷമാണ് പ്രതിയുടെ അറസ്‌റ്റ് രേഖപ്പെടുത്തിയത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
