എൻസിപി സംസ്‌ഥാന അധ്യക്ഷനാകാൻ തോമസ് കെ തോമസ്; പ്രഖ്യാപനം ഉടൻ
പിസി ചാക്കോയുടെ രാജിക്ക് പിന്നാലെ പാർട്ടി പ്രതിസന്ധിയിൽ നിൽക്കുന്ന ഘട്ടത്തിൽ തോമസ് കെ തോമസ് നേതൃപദവിയിലേക്ക് വരട്ടെ എന്ന നിർദ്ദേശം മന്ത്രി എകെ ശശീന്ദ്രനാണ് മുന്നോട്ടുവെച്ചത്.
തിരുവനന്തപുരം: എൻസിപി സംസ്‌ഥാന അധ്യക്ഷ സ്‌ഥാനത്തേക്ക്‌ തോമസ് കെ തോമസിനെ പിന്തുണച്ചു 14 ജില്ലാ പ്രസിഡണ്ടുമാർ. ദേശീയ ജനറൽ സെക്രട്ടറി ജിതേന്ദ്ര ആവാദിന് ജില്ലാ പ്രസിഡണ്ടുമാർ പിന്തുണക്കത്ത് നൽകി. രണ്ടു ദിവസത്തിനുള്ളിൽ പാർട്ടി ദേശീയ അധ്യക്ഷൻ ശരത് പവാർ പ്രഖ്യാപനം നടത്തും.
ജിതേന്ദ്ര ആവാദ് കേരളത്തിൽ പ്രധാന നേതാക്കളെ കണ്ട് ചർച്ച നടത്തിയിരുന്നു. പിസി ചാക്കോയുടെ രാജിക്ക് പിന്നാലെ പാർട്ടി പ്രതിസന്ധിയിൽ നിൽക്കുന്ന ഘട്ടത്തിൽ തോമസ് കെ തോമസ് നേതൃപദവിയിലേക്ക് വരട്ടെ എന്ന നിർദ്ദേശം മന്ത്രി എകെ ശശീന്ദ്രനാണ് മുന്നോട്ടുവെച്ചത്. പിസി ചാക്കോയും ഇതിനെ എതിർത്തില്ല. തുടർന്ന് ജില്ലാ നേതാക്കൻമാരുടെ അഭിപ്രായം അറിയാൻ വേണ്ടിയാണ് ജിതേന്ദ്ര ആവാദിനെ കേരളത്തിലേക്ക് അയച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
