പാകിസ്‌ഥാനെ ഞെട്ടിച്ച് വീണ്ടും ഭീകരാക്രമണം; 90 സൈനികർ കൊല്ലപ്പെട്ടെന്ന് ബിഎൽഎ
ആക്രമണം ഉണ്ടായെന്ന് സ്‌ഥിരീകരിച്ച പാക് സേന അഞ്ചുപേർ കൊല്ലപ്പെട്ടെന്നും പത്ത് പേർക്ക് പരിക്കേറ്റെന്നും സ്‌ഥിരീകരിച്ചു. 90 പേർ കൊല്ലപ്പെട്ടെന്നാണ് ബിഎൽഎ വാർത്താക്കുറിപ്പിൽ പറയുന്നത്.
ഇസ്‌ലാമാബാദ്: പാകിസ്‌ഥാനെ ഞെട്ടിച്ച് വീണ്ടും ഭീകരാക്രമണം. പാക് സേനാംഗങ്ങൾ സഞ്ചരിച്ച ബസിൽ കാറിടിച്ചുണ്ടായ അപകടത്തിൽ 90 സൈനികർ കൊല്ലപ്പെട്ടെന്നാണ് റിപ്പോർട്. ബലൂചിസ്‌ഥാനിൽ ട്രെയിൻ റാഞ്ചിയ ബലൂച് ലിബറേഷൻ ആർമി (ബിഎൽഎ) ആക്രമണത്തിന്റെ ഉത്തരവാദിത്തം ഏറ്റെടുത്തു.
ആക്രമണം ഉണ്ടായെന്ന് സ്‌ഥിരീകരിച്ച പാക് സേന അഞ്ചുപേർ കൊല്ലപ്പെട്ടെന്നും പത്ത് പേർക്ക് പരിക്കേറ്റെന്നും സ്‌ഥിരീകരിച്ചു. 90 പേർ കൊല്ലപ്പെട്ടെന്നാണ് ബിഎൽഎ വാർത്താക്കുറിപ്പിൽ പറയുന്നത്. ബലൂചിസ്‌ഥാനെ നോഷ്‌കി ജില്ലയിൽ ദേശീയപാത-40ൽ ആയിരുന്നു വിമതരുടെ ആക്രമണം. ഒപ്പമുണ്ടായിരുന്ന മറ്റൊരു സൈനിക വാഹനവും ആക്രമിക്കപ്പെട്ടു.
കഴിഞ്ഞദിവസം ട്രെയിൻ റാഞ്ചിയ ബിഎൽഎ നാനൂറിലേറെ യാത്രക്കാരെ ബന്ദികളാക്കിയിരുന്നു. 26 ബന്ദികളെ ഇവർ കൊലപ്പെടുത്തിയെന്നും രക്ഷാപ്രവർത്തനത്തിനിടെ 33 അക്രമികളെ വർധിച്ചതായും പാക് സർക്കാർ അറിയിച്ചു. ബലൂചിസ്‌ഥാൻ തലസ്‌ഥാനമായ ക്വറ്റയിൽ നിന്ന് 160 കിലോമീറ്റർ അകലെ പർവതമേഖലയിൽ പാളം തകർത്ത ശേഷമാണ് ചൊവ്വാഴ്‌ച ബിഎൽഎ ട്രെയിൻ പിടിച്ചെടുത്തത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
