മസ്‌ക്കറ്റ്: ഇന്ത്യ-ഒമാന്‍ എയര്‍ ബബിള്‍ കരാര്‍ പ്രഖ്യാപിച്ചതോടെ യാത്രക്കാര്‍ക്ക് അറിയിപ്പുമായി എയര്‍ ഇന്ത്യ എക്‌സ്പ്രസ്. വെബ്സൈറ്റിന് പുറമെ കോള്‍ സെന്ററുകള്‍, സിറ്റി ഓഫീസ്, അംഗീകൃത ട്രാവല്‍ ഏജന്റുമാര്‍ എന്നിവ മുഖേനെ ടിക്കറ്റ് ബുക്ക് ചെയ്യാമെന്ന് അധികൃതര്‍ അറിയിച്ചു.
Related News: ഇന്ത്യ-ഒമാന്‍ എയര്‍ ബബിള്‍ കരാര്‍; ഒക്‌ടോബർ ഒന്ന് മുതല്‍ വിമാന സര്‍വീസുകള്‍
മസ്‌ക്കറ്റ് വിമാനത്താവളത്തില്‍ എത്തുന്നവര്‍ നിര്‍ബന്ധമായും പിസിആര്‍ ടെസ്റ്റിന് വിധേയമാകാണമെന്ന് സമൂഹ മാദ്ധ്യമങ്ങളിലൂടെ വിമാന അധികൃതര്‍ വ്യക്തമാക്കി. അതേ സമയം, മസ്‌ക്കറ്റിലേക്ക് യാത്ര ചെയ്യുന്നവര്‍ മുന്‍കൂര്‍ പിസിആര്‍ ഫലം ഹാജരാക്കേണ്ടതില്ലെന്നും അധികൃതര്‍ അറിയിച്ചു.
കോവിഡ് ചികിത്സാ ചെലവ് വഹിക്കാന്‍ കുറഞ്ഞത് ഒരു മാസം കാലാവധിയുള്ള ആരോഗ്യ ഇന്‍ഷുറന്‍സ് വിമാനത്താവളത്തില്‍ എത്തുന്ന എല്ലാ യാത്രക്കാര്‍ക്കും ഉണ്ടായിരിക്കണം. കൂടാതെ എല്ലാവരും താരാസുഡ് പ്ലസ് ആപ്ലിക്കേഷനില്‍ മുന്‍കൂട്ടി രജിസ്റ്റര്‍ ചെയ്യണമെന്നും അധികൃതര്‍ അറിയിച്ചു.
