പാക്കിസ്‌ഥാന് വേണ്ടി ചാരവൃത്തി; പഞ്ചാബ് സ്വദേശിയായ യൂട്യൂബർ അറസ്‌റ്റിൽ
'ജാൻമഹൽ വീഡിയോ' എന്ന യൂട്യൂബ് ചാനൽ നടത്തുന്ന ജസ്ബീർ സിങ്ങിനെയാണ് പഞ്ചാബ് പോലീസ് അറസ്‌റ്റ് ചെയ്‌തത്‌. പാക്ക് ചാരസംഘടനയായ ഐഎസ്‌ഐയിലെ അംഗമായ ഷാക്കിർ എന്നയാളുമായി ജസ്ബീർ സിങ്ങിന് ബന്ധമുണ്ടെന്നാണ് കണ്ടെത്തൽ.
Punjab YouTuber Jasbir Singh (Image Courtesy: The Hindu)
ന്യൂഡെൽഹി: പാക്കിസ്‌ഥാന് വേണ്ടി ചാരവൃത്തി നടത്തിയ പഞ്ചാബ് സ്വദേശിയായ മറ്റൊരു യൂട്യൂബർ കൂടി പിടിയിൽ. ‘ജാൻമഹൽ വീഡിയോ’ എന്ന യൂട്യൂബ് ചാനൽ നടത്തുന്ന ജസ്ബീർ സിങ്ങിനെയാണ് പഞ്ചാബ് പോലീസ് അറസ്‌റ്റ് ചെയ്‌തത്‌. സ്‌പെഷ്യൽ ഓപ്പറേഷൻ സെൽ ഉദ്യോഗസ്‌ഥരാണ് ജസ്ബീർ സിങ്ങിനെ പഞ്ചാബിലെ രൂപ്‌നഗറിൽ നിന്ന് പിടികൂടിയത്.
പാക്ക് ചാരസംഘടനയായ ഐഎസ്‌ഐയിലെ അംഗമായ ഷാക്കിർ എന്നയാളുമായി ജസ്ബീർ സിങ്ങിന് ബന്ധമുണ്ടെന്നാണ് കണ്ടെത്തൽ. ചാരവൃത്തി കേസിൽ നേരത്തെ അറസ്‌റ്റിലായ ജ്യോതി മൽഹോത്രയുമായും ജസ്‌ബീറിന് അടുപ്പമുണ്ടായിരുന്നതായി ഉദ്യോഗസ്‌ഥർ അറിയിച്ചു. ജ്യോതി അടുപ്പം പുലർത്തിയിരുന്ന, ഇന്ത്യ പുറത്താക്കിയ പാക്ക് ഹൈക്കമ്മീഷൻ ഉദ്യോഗസ്‌ഥൻ ഡാനിഷുമായും ജസ്ബീർ സിങ്ങിന് ബന്ധമുണ്ടായിരുന്നു.
നിരവധി പാക്കിസ്‌ഥാൻ നമ്പറുകൾ ഇയാളുടെ ഫോണിൽ സേവ് ചെയ്‌തിട്ടുണ്ട്‌. മൂന്നുതവണ പാക്കിസ്‌ഥാൻ സന്ദർശിച്ച ജസ്ബീർ സിങ് ഡെൽഹിയിലെ പാക്ക് എംബസിയിൽ നടന്ന പ്രധാന ചടങ്ങുകളിൽ പങ്കെടുത്തിട്ടുണ്ടെന്ന് അന്വേഷണത്തിൽ കണ്ടെത്തി. ജ്യോതി മൽഹോത്ര അറസ്‌റ്റിലായ ശേഷം പാക്കിസ്‌ഥാൻ നമ്പറുകളും അവരുമായി നടത്തിയ ചാറ്റും നീക്കം ചെയ്യാൻ ജസ്ബീർ ശ്രമിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
