താറാവിന്റെ വയറ്റിൽ നിന്ന് കിട്ടിയത് സ്വർണം; അമ്പരന്ന് നാട്ടുകാർ
ചൈനയിലെ ഹുനാൻ പ്രവിശ്യയിലുള്ള ലൂങ്വി കൗണ്ടിയിലാണ് സംഭവം. ഉരുക്കിയെടുത്തപ്പോൾ ഏകദേശം പത്ത് ഗ്രാമിലധികം തൂക്കമുള്ള സ്വർണമാണ് ലഭിച്ചത്. 12000 യുവാൻ ആണ് ചൈനയിൽ ഇതിന് വില. അതായത് 1,65,821 ലക്ഷം രൂപ.
സ്വർണമുട്ടയിടുന്ന താറാവ്, കഥകളിൽ മാത്രമേ നമ്മൾ ഇങ്ങനെ കേട്ടിട്ടുള്ളൂ അല്ലേ. യഥാർഥത്തിൽ താറാവിന്റെ വയറ്റിൽ നിന്ന് സ്വർണം കിട്ടിയെന്ന് പറഞ്ഞാൽ നിങ്ങൾ വിശ്വസിക്കുമോ? എന്നാൽ, വിശ്വസിച്ചോ! ചൈനയിൽ അങ്ങനെയൊരു സംഭവം നടന്നിട്ടുണ്ട്.
ചൈനയിലെ ഹുനാൻ പ്രവിശ്യയിലുള്ള ലൂങ്വി കൗണ്ടിയിലാണ് സംഭവം. താറാവിനെ കശാപ്പ് ചെയ്യുന്നതിനിടെയാണ് വയറ്റിൽ നിന്ന് സ്വർണത്തിന്റെ തരികൾ ലഭിച്ചത്. ഉരുക്കിയെടുത്തപ്പോൾ ഏകദേശം പത്ത് ഗ്രാമിലധികം തൂക്കമുള്ള സ്വർണമാണ് ലഭിച്ചത്. 12000 യുവാൻ ആണ് ചൈനയിൽ ഇതിന് വില. അതായത് 1,65,821 ലക്ഷം രൂപ.
ഗ്രാമത്തിന്റെ വിശ്വാസമാണ് ഇതിലും കൗതുകകരം. ഗ്രാമത്തിലെ താറാവുകളെ വീട്ടിൽ അടച്ചിട്ടല്ല വളർത്തുന്നത്. പണ്ട് നാട്ടിൽ സ്വർണമുണ്ടായിരുന്നെന്ന് കരുതപ്പെടുന്ന നദിക്കരയിലെ ചെളി ഭക്ഷിക്കുന്നതാവാം ഇത്തരത്തിൽ സ്വർണം കിട്ടിയതിന് പിന്നിലെന്ന് കരുതപ്പെടുന്നു.
ഇത് ആദ്യമായല്ല ആ നാട്ടിൽ ഇത്തരം സംഭവം നടക്കുന്നത്. പല തവണ താറാവുകളുടെ വയറ്റിൽ നിന്ന് ഇത്തരത്തിൽ സ്വർണതരികൾ ലഭിച്ചിട്ടുണ്ട്. എന്നാൽ ഇത് ആദ്യമായാണ് ഇത്രയും വലിയ അളവിൽ സ്വർണം ലഭിക്കുന്നത്. വരും നാളുകളുടെ ശുഭസൂചനയാണ് ഇതെന്നാണ് വീട്ടുകാർ വിശ്വസിക്കുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
