വിസി നിയമനം; സേർച്ച് കമ്മിറ്റി രണ്ടാഴ്‌ചയ്‌ക്കകം രൂപീകരിക്കണം- സുപ്രീം കോടതി
സാങ്കേതിക, ഡിജിറ്റൽ സർവകലാശാലകളിൽ സ്‌ഥിര വിസിമാരെ കണ്ടെത്താനുള്ള സേർച്ച് കമ്മിറ്റി രണ്ടാഴ്‌ചയ്‌ക്കകം രൂപീകരിക്കണമെന്നാണ് സുപ്രീം കോടതിയുടെ നിർദ്ദേശം. സേർച്ച് കമ്മിറ്റിയുടെ ചെയർപേഴ്‌സണായി റിട്ട. ജഡ്‌ജി സുധാംശു ധൂലിയയെ കോടതി നിയമിച്ചു.
ന്യൂഡെൽഹി: വിസി നിയമനവുമായി ബന്ധപ്പെട്ട് സുപ്രധാന വിധിയുമായി സുപ്രീം കോടതി. സാങ്കേതിക, ഡിജിറ്റൽ സർവകലാശാലകളിൽ സ്‌ഥിര വിസിമാരെ കണ്ടെത്താനുള്ള സേർച്ച് കമ്മിറ്റി രണ്ടാഴ്‌ചയ്‌ക്കകം രൂപീകരിക്കണമെന്നാണ് സുപ്രീം കോടതിയുടെ നിർദ്ദേശം. സേർച്ച് കമ്മിറ്റിയുടെ ചെയർപേഴ്‌സണായി റിട്ട. ജഡ്‌ജി സുധാംശു ധൂലിയയെ കോടതി നിയമിച്ചു.
സേർച്ച് കമ്മിറ്റിയിലെ മറ്റ് അംഗങ്ങളെ സർക്കാർ, ചാൻസലർ എന്നിവർ നൽകിയ പട്ടികയിൽ നിന്നും തിരഞ്ഞെടുക്കാനും കോടതി നിർദ്ദേശം നൽകി. ഇതിനായി സർക്കാരും ചാൻസലറും നൽകിയ പട്ടികയിൽ നിന്ന് രണ്ടുപേരെ വീതം സേർച്ച് കമ്മിറ്റിയിലേക്ക് നിയമിക്കാനാണ് കോടതി ആവശ്യപ്പെട്ടത്. രണ്ടാഴ്‌ചയ്‌ക്കുള്ളിൽ സേർച്ച് കമ്മിറ്റി രൂപീകരിച്ച് വിസി നിയമനത്തിനുള്ള നടപടികൾ ആരംഭിക്കണം.
ഇതിനായി യോഗ്യരായവരെ കണ്ടെത്താൻ മാദ്ധ്യമങ്ങളിൽ പരസ്യം ചെയ്യണം. രണ്ടുമാസത്തിനുള്ളിൽ സ്‌ഥിര വിസി നിയമനം നടത്തണമെന്നാണ് വിധിയിലുള്ളത്. സേർച്ച് കമ്മിറ്റിയിലേക്ക് യുജിസിയുടെ പ്രതിനിധി കൂടി വരാൻ സാധ്യതയുണ്ട്. ഇന്ന് കേസ് പരിഗണിച്ചപ്പോൾ ബംഗാൾ മോഡലിൽ സേർച്ച് കമ്മിറ്റി രൂപീകരിക്കണമെന്നും സംസ്‌ഥാനം ആവശ്യപ്പെടുകയായിരുന്നു.
ഡിജിറ്റൽ, സാങ്കേതിക സർവകലാശാലകളിൽ ഗവർണർ നടത്തിയ താൽക്കാലിക നിയമനം റദ്ദാക്കണമെന്ന് ആവശ്യപ്പെട്ടാണ് കേരളം സുപ്രീം കോടതിയെ സമീപിച്ചിച്ചിരുന്നത്. ഗവർണറുടെ നടപടി ഏകപക്ഷീയവും കോടതി വിധിക്ക് എതിരാണെന്നും സുപ്രീം കോടതിയിൽ ഫയൽ ചെയ്‌തിരിക്കുന്ന അപേക്ഷയിൽ ചൂണ്ടിക്കാട്ടിയിട്ടുണ്ട്.
സംസ്‌ഥാന സർക്കാർ നൽകുന്ന പാനലിൽ നിന്നാകണം ചാൻസലറായ ഗവർണർ നിയമനം നടത്തേണ്ടത് എന്നാണ് കേരളം ചൂണ്ടിക്കാട്ടുന്നത്. എന്നാൽ, ഗവർണർ സംസ്‌ഥാന സർക്കാർ കൈമാറിയ പാനലിൽ നിന്നുള്ളവരെ മറികടന്ന് നേരത്തെ ഉണ്ടായിരുന്ന താൽക്കാലിക വൈസ് ചാൻസലർമാരെ പുനർനിർമിച്ചുകൊണ്ട് ഉത്തരവ് റദ്ദാക്കുകയായിരുന്നു.
ഡോ. സിസ തോമസിനെ ഡിജിറ്റൽ സർവകലാശാല വിസിയായും ഡോ. കെ. ശിവപ്രസാദിനെ സാങ്കേതിക സർവകലാശാല വിസിയായും നിയമിച്ചുകൊണ്ട് ഗവർണർ വിജ്‌ഞാപനം പുറപ്പെടുവിച്ചതാണ് സർക്കാരിനെ ചൊടിപ്പിച്ചത്. ഇരുവരെയും അംഗീകരിക്കാൻ കഴിയില്ലെന്നാണ് സർക്കാർ നിലപാട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
