തിരുവനന്തപുരം: എൻസിപി സംസ്‌ഥാന അധ്യക്ഷനായി തോമസ് കെ തോമസിനെ ദേശീയ നേതൃത്വം ഔദ്യോഗികമായി പ്രഖ്യാപിച്ചു. സംസ്‌ഥാന ഭാരവാഹികളുടെ യോഗം തോമസ് കെ തോമസിനെ അധ്യക്ഷനാക്കാൻ നേരത്തെ തീരുമാനിച്ചിരുന്നു. കുട്ടനാട് എംഎൽഎയാണ് തോമസ് കെ തോമസ്.
പിസി ചാക്കോയുടെ രാജിക്ക് പിന്നാലെ പാർട്ടി പ്രതിസന്ധിയിൽ നിൽക്കുന്ന ഘട്ടത്തിൽ തോമസ് കെ തോമസ് നേതൃപദവിയിലേക്ക് വരട്ടെ എന്ന നിർദ്ദേശം മന്ത്രി എകെ ശശീന്ദ്രനാണ് മുന്നോട്ടുവെച്ചത്. പിസി ചാക്കോയും ഇതിനെ എതിർത്തില്ല. എകെ ശശീന്ദ്രനെ പിന്തുണയ്‌ക്കുന്നവരിൽ നിന്നുള്ള ശക്‌തമായ സമ്മർദ്ദത്തെ തുടർന്നാണ് എൻസിപി സംസ്‌ഥാന പ്രസിഡണ്ട് സ്‌ഥാനത്ത്‌ നിന്ന് പിസി ചാക്കോ രാജിവെച്ചത്.
സംസ്‌ഥാന കൗൺസിൽ യോഗം വിളിപ്പിച്ചു ചാക്കോയെ പ്രസിഡണ്ട് സ്‌ഥാനത്ത്‌ നിന്ന് നീക്കാനുള്ള പ്രമേയം കൊണ്ടുവരാനുള്ള ശ്രമത്തിലായിരുന്നു ശശീന്ദ്രൻ വിഭാഗം. അതിനായി അവർ ഒപ്പുശേഖരണം നടത്തിക്കൊണ്ടിരിക്കുന്ന ഘട്ടത്തിലാണ് ചാക്കോ അപ്രതീക്ഷിതമായി രാജി സമർപ്പിച്ചത്. മന്ത്രി സ്‌ഥാനത്ത്‌ നിന്ന് ശശീന്ദ്രനെ മാറ്റി പകരം തോമസ് കെ തോമസിനെ വെക്കാനുള്ള ചാക്കോയുടെ നീക്കങ്ങളാണ് അദ്ദേഹത്തിന് തന്നെ തിരിച്ചടിയായത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
