തിരുവനന്തപുരം: കൊങ്കൺ പാതയിലെ മണ്ണടിച്ചിലിനെ തുടർന്ന് ഇന്നും ട്രെയിൻ ഗതാഗത നിയന്ത്രണം ഏർപ്പെടുത്തി. ഉച്ചകഴിഞ്ഞ് 3.15ന് പുറപ്പെടേണ്ട തിരുനെൽവേലി- ജാംനഗർ എക്‌സ്‌പ്രസ് വൈകിട്ട് 7.35നെ യാത്ര ആരംഭിക്കൂ. രാവിലെ 8.50ന് പുറപ്പെടേണ്ടിയിരുന്ന കോയമ്പത്തൂർ- ലോകമാന്യതിലക് ടെർമിനസ് എക്‌സ്‌പ്രസിന്റെ സമയം ഉച്ചയ്‌ക്ക് ഒരുമണിക്കായി പുതുക്കി.
ഇന്ന് രാവിലെ പുറപ്പെടേണ്ട നേത്രാവതി എക്‌സ്‌പ്രസ് റദ്ദാക്കി. നാളെ രാവിലെ എട്ട് മണിക്കേ ട്രെയിൻ പുറപ്പെടുകയുള്ളൂ. 17ന് തിരുവനന്തപുരത്ത് നിന്ന് പുറപ്പെടേണ്ട നേത്രാവതിയും 18ലെ ലോകമാന്യതിലക് ഗരീബ്‌രഥും റദ്ദാക്കി. 14ന് പുറപ്പെട്ട അമൃത്‌സർ- കൊച്ചുവേളി എക്‌സ്‌പ്രസ് വഴിതിരിച്ച് വിട്ടതിനാൽ എത്താൻ വൈകുമെന്നും റെയിൽവേ അറിയിച്ചു.
Most Read| ചന്ദ്രനിൽ വാസയോഗ്യമായ ഗുഹയുണ്ടെന്ന് സ്‌ഥിരീകരണം
