തിരുവനന്തപുരം: യുക്രൈനില് നിന്നും വരുന്നവര്ക്ക് ഗ്രീന് ചാനല് വഴി ആരോഗ്യ വകുപ്പിന്റെ ചികിൽസാ സേവനങ്ങള് ലഭ്യമാക്കുമെന്ന് ആരോഗ്യമന്ത്രി വീണാ ജോര്ജ്. ഇതുസംബന്ധിച്ച് ആരോഗ്യ വകുപ്പിനും ആരോഗ്യ വിദ്യാഭ്യാസ വകുപ്പിനും നിര്ദേശം നല്കിയിട്ടുണ്ടെന്ന് മന്ത്രി അറിയിച്ചു.
യുദ്ധ സാഹചര്യത്തില് നിന്നും വരുന്നവര്ക്കുണ്ടാകുന്ന ശാരീരിക മാനസിക പ്രശ്നങ്ങള് പരിഹരിക്കാന് പ്രത്യേക ടീമിനെ സജ്ജമാക്കുമെന്നും ആവശ്യമെങ്കില് ഇവര്ക്ക് മെഡിക്കല് കോളേജുകള് വഴിയും പ്രധാന സര്ക്കാര് ആശുപത്രികള് വഴിയും വിദഗ്ധ ചികിൽസ ഉറപ്പാക്കുമെന്നും മന്ത്രി വ്യക്തമാക്കി.
സംസ്ഥാനത്തെ നാല് ഇന്റര്നാഷണല് എയര്പോര്ട്ടുകളിലും ഡൊമസ്റ്റിക് എയര്പോര്ട്ടുകളിലും ഇവരുടെ ആരോഗ്യ സ്ഥിതി നിരീക്ഷിക്കാന് സംവിധാനം ഏര്പ്പെടുത്തുമെന്ന് അറിയിച്ച മന്ത്രി ഇതിനായി എയര്പോര്ട്ടുകളില് ഹെല്ത്ത് ഡെസ്കുകള് സ്ഥാപിച്ചു വരുന്നതായി പറഞ്ഞു. ഇവിടെ വിദഗ്ധ ഡോക്ടർമാരുടെ സേവനമൊരുക്കുമെന്നും തുടര് ചികിൽസ ആവശ്യമായവര്ക്ക് ചികിൽസ ഉറപ്പാക്കുമെന്നും മന്ത്രി അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
