സംസ്‌ഥാനത്തെ ഏറ്റവും പ്രായം കുറഞ്ഞ പഞ്ചായത്ത് സെക്രട്ടറിയായി ഗൗരി; ചുമതലയേറ്റു
പരവൂർ സ്വദേശിനിയായ ഗൗരി ആർ. ലാൽജി മലപ്പുറം അരീക്കോട് പഞ്ചായത്ത് സെക്രട്ടറിയായി കഴിഞ്ഞ ദിവസമാണ് ജോലിയിൽ പ്രവേശിച്ചത്. എറണാകുളത്ത് ഹൈക്കോടതി അസിസ്‌റ്റന്റായി ജോലി ചെയ്‌ത്‌ വരികയായിരുന്നു.
ഗൗരി ആർ. ലാൽജി (Image Courtesy: Manorama Online) Cropped By: MN
പരവൂർ: സംസ്‌ഥാനത്തെ ഏറ്റവും പ്രായം കുറഞ്ഞ പഞ്ചായത്ത് സെക്രട്ടറിയായി ചുമതലയേറ്റ് പരവൂർ സ്വദേശിനി ഗൗരി ആർ. ലാൽജി (23). മലപ്പുറം അരീക്കോട് പഞ്ചായത്ത് സെക്രട്ടറിയായി കഴിഞ്ഞ ദിവസമാണ് ഗൗരി ജോലിയിൽ പ്രവേശിച്ചത്. എറണാകുളത്ത് ഹൈക്കോടതി അസിസ്‌റ്റന്റായി ജോലി ചെയ്‌ത്‌ വരികയായിരുന്നു.
കൊല്ലം എസ്എൻ വനിതാ കോളേജിൽ നിന്ന് സാമ്പത്തിക ശാസ്‌ത്ര ബിരുദം മൂന്നാം റാങ്കോടെ പാസായ ഗൗരി, ഹൈക്കോർട്ട് അസിസ്‌റ്റന്റ്‌ പരീക്ഷയിൽ ഒന്നാം റാങ്ക് നേടിയിരുന്നു. സിബിഎസ്ഇ പ്ളസ് ടു പരീക്ഷയിൽ കൊല്ലം ജില്ലാ ടോപ്പർ ആയിരുന്നു. ആദ്യ ശ്രമത്തിൽ പഞ്ചായത്ത് സെക്രട്ടറി പരീക്ഷയിൽ 63ആം റാങ്ക് നേടിയാണ് ഗൗരി ജോലിയിൽ പ്രവേശിച്ചത്.
സിവിൽ സർവീസ് പരീക്ഷയിലൂടെ ഐഎഎസ് കരസ്‌ഥമാക്കണമെന്നാണ് ഗൗരിയുടെ ആഗ്രഹം. അതിനായുള്ള തീവ്ര പരിശീലനത്തിലാണ്. സ്‌കൂൾ കാലഘട്ടം മുതൽ എഴുത്ത്, മൽസര പരീക്ഷകളിൽ പങ്കെടുത്തതും മുടങ്ങാതെയുള്ള പത്ര വായനയും മൽസര പരീക്ഷകളിൽ നേട്ടം കൊയ്യാൻ സഹായിച്ചുവെന്ന് ഗൗരി പറഞ്ഞു.
പരവൂർ മലയാള മനോരമ ഏജന്റും റോഷ്‌ന ബുക്‌സ് ഉടമയുമായ കുറുമണ്ടൻ ചെമ്പന്റഴികം വീട്ടിൽ സിഎൽ ലാൽജിയുടെയും ഒആർ റോഷ്‌നയുടെയും മകളാണ്. ഒമ്പതാം ക്ളാസ് വിദ്യാർഥിയായ ദേവദത്ത് സഹോദരനാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
