കൊച്ചി: ആറാട്ടണ്ണൻ എന്ന പേരിൽ അറിയപ്പെടുന്ന യൂട്യൂബർ സന്തോഷ് വർക്കി അറസ്‌റ്റിൽ. സാമൂഹിക മാദ്ധ്യമങ്ങളിലൂടെ നടിമാരെ ആക്ഷേപിച്ചെന്ന നടി ഉഷാ ഹസീനയുടെ പരാതിയിലാണ് സന്തോഷ് വർക്കിയെ എറണാകുളം നോർത്ത് പോലീസ് കസ്‌റ്റഡിയിൽ എടുത്തത്.
നടിമാർക്കെതിരെ അശ്‌ളീല പരാമർശം നടത്തിയെന്ന് ആരോപിച്ച് ചലച്ചിത്ര പ്രവർത്തകരായ ഉഷ ഹസീന, ഭാഗ്യലക്ഷ്‌മി, കുക്കു പരമേശ്വർ എന്നിവർ ഇയാൾക്കെതിരെ പരാതി നൽകിയിരുന്നു. സന്തോഷ് വർക്കിയുടെ പരാമർശങ്ങൾ സ്‌ത്രീത്വത്തെ അപമാനിക്കുന്നതാണെന്നും കർശന നടപടി സ്വീകരിക്കണമെന്നും ഉഷ ഹസീന ആലപ്പുഴ ഡിവൈഎസ്‌പിക്ക് നൽകിയ പരാതിയിൽ ആവശ്യപ്പെട്ടിരുന്നു.
ജാമ്യമില്ലാ വകുപ്പുകൾ പ്രകാരമാണ് ഇയാൾക്കെതിരെ കേസെടുത്തിരിക്കുന്നത്. സിനിമാ മേഖലയിൽ പ്രവർത്തിക്കുന്ന സ്‌ത്രീകളെല്ലാം മോശം സ്വഭാവക്കാരാണെന്നായിരുന്നു സന്തോഷ് വർക്കിയുടെ പരാമർശം. മുൻപും സാമൂഹിക മാദ്ധ്യമങ്ങളിലൂടെ സമാനരീതിയിൽ സന്തോഷ് വർക്കി നടിമാർക്കെതിരെ ഇത്തരം പരാമർശങ്ങൾ നടത്തിയിട്ടുണ്ട്.
Most Read| ഒറ്റ ദിവസം ആറ് ഗണിത റെക്കോർഡുകൾ; കണക്കിൽ അമ്മാനമാടുന്ന 14 വയസുകാരൻ
