തിരുവനന്തപുരം: നാവായികുളത്ത് 11 വയസുകാരനെ കഴുത്തറുത്ത് കൊല്ലപ്പെട്ട നിലയിൽ കണ്ടെത്തി. നാവായികുളത്ത് സഫീറിന്റെ മകൻ അൽത്താഫിനെയാണ് കഴുത്തറുത്ത് മരിച്ച നിലയിൽ വീടിനുള്ളിൽ കണ്ടെത്തിയത്. പിതാവ് സഫീറും മറ്റൊരു മകൻ അൻഷാദും കുളത്തിൽ ചാടിയെന്ന സംശയത്തെ തുടർന്ന് നടത്തിയ തിരച്ചിലിൽ പിതാവിന്റെ മൃതദേഹം ലഭിച്ചു. അൻഷാദിന് വേണ്ടിയുള്ള തിരച്ചിൽ തുടരുകയാണ്.
അൽത്താഫിനെ മരിച്ച നിലയിൽ കണ്ടെത്തുമ്പോൾ വീടിനുള്ളിൽ കുട്ടിയുടെ പിതാവോ മാതാവോ സഹോദരനോ ഉണ്ടായിരുന്നില്ല. പിതാവിന്റെ ഓട്ടോറിക്ഷ കുളത്തിന് സമീപം കണ്ടതിനെ തുടർന്നാണ് ഇവർ കുളത്തിൽ ചാടിയോയെന്ന സംശയമുണ്ടായത്. ഇതിനെ തുടർന്ന് ഫയർഫോഴ്സ് സ്ഥലത്തെത്തി മൃതദേഹം കണ്ടെടുക്കുകയായിരുന്നു. അൻഷാദിനായുള്ള തിരച്ചിൽ തുടരുകയാണ്.
Read also: പന്താവൂരിലെ യുവാവിന്റെ കൊലപാതകം; പ്രതികളുടെ തെളിവെടുപ്പ് നടക്കുന്നു
