തിരുവനന്തപുരം: കേള്വിക്കുറവ് ഉണ്ടാകാതിരിക്കാൻ എല്ലാവരും ശ്രദ്ധിക്കണമെന്ന് വ്യക്തമാക്കി ആരോഗ്യവകുപ്പ് മന്ത്രി വീണാ ജോര്ജ്. ലോകാരോഗ്യ സംഘടനയുടെ കണക്ക് പ്രകാരം ലോകത്ത് 6.3 ശതമാനം ജനങ്ങള് കേള്വിക്കുറവ് നേരിടുന്നുണ്ട്. നാഷണല് സാമ്പിള് സര്വേയുടെ കണക്കുപ്രകാരം കേരളത്തില് ഒരു ലക്ഷത്തില് 453 പേര്ക്കാണ് സാരമായ കേള്വി പ്രശ്നങ്ങളുള്ളത്. ചികിൽസിച്ചു ഭേദമാക്കാന് കഴിയുന്ന കേള്വിക്കുറവിനെ ചികിൽസിക്കുകയും പ്രതിരോധിക്കാന് കഴിയുന്ന കേള്വിക്കുറവിനെ യഥാസമയം പ്രതിരോധിക്കുകയും ചെയ്യണമെന്നും മന്ത്രി വ്യക്തമാക്കി.
‘എന്നെന്നും കേള്ക്കാനായ് കരുതലോടെ കേള്ക്കാം’ (To hear for life, Listen with care) എന്നതാണ് ഈ വര്ഷത്തെ ലോക കേൾവിദിന സന്ദേശം. കുട്ടികളിലെ കേള്വിക്കുറവ് എത്രയും നേരത്തെ കണ്ടുപിടിച്ച് ചികിൽസിച്ചില്ലെങ്കില് അതവരുടെ സംസാരഭാഷ വികസനത്തെയും വ്യക്തിത്വ വികാസത്തെയും സാരമായി ബാധിക്കും. ഇതിനായി എല്ലാ സര്ക്കാര് ആശുപത്രികളിലും നവജാത ശിശുക്കളിലെ കേള്വിക്കുറവ് കണ്ടെത്തുന്നതിനുള്ള പരിശോധനകള് നടന്നുവരുന്നു. ഇങ്ങനെ കണ്ടുപിടിക്കുന്ന കുട്ടികള്ക്ക് കേള്വി സഹായിയുടെ ഉപയോഗത്തോടെ സംസാര പരിശീലനം നല്കുകയും ചെയ്യും.
ആവശ്യമായവര്ക്ക് സര്ക്കാര് ആരോഗ്യ കേന്ദ്രങ്ങളില് കോക്ളിയാര് ഇംപ്ളാന്റേഷന് പോലെയുള്ള സങ്കീര്ണമായ ശസ്ത്രക്രിയകൾ നടത്തി സംസാരഭാഷാ പരിശീലനം സൗജന്യമായി നടത്തിവരുന്നുണ്ട്. കേള്വിക്കുറവ് ഉളളവരില് വലിയൊരു ശതമാനവും പ്രായാധിക്യം കൊണ്ടുള്ള കേള്വി കുറവാണ്. ഇത് വാര്ദ്ധക്യകാലത്തെ ഏകാന്തതയുടെയും ഒറ്റപ്പെടലിന്റെയും ആക്കം കൂട്ടുന്നു. ഇങ്ങനെയുള്ളവരില് കേള്വിക്കുറവ് കണ്ടുപിടിച്ച് അതിനനുസൃതമായ ഇടപെടലുകള് നടത്താനുള്ള ശ്രമത്തിലാണ് സര്ക്കാര്.
എല്ലാത്തരത്തിലുമുള്ള കേള്വി കുറവുകളും നേരത്തെ കണ്ടുപിടിച്ച് പരിഹരിക്കുന്നതിനായി ശസ്ത്രക്രിയ ഉള്പ്പടെയുള്ള എല്ലാ ചികിൽസയ്ക്കുമുള്ള സൗകര്യങ്ങള് കേരളത്തിലുടനീളം 67 ആശുപത്രികളില് സജ്ജമാക്കിയിട്ടുണ്ട്. ശബ്ദമലിനീകരണവും മൊബൈലിന്റെയും ഹെഡ് സെറ്റിന്റെയും അമിത ഉപയോഗവും സാരമായ കേള്വിക്കുറവിന് കാരണമാകുന്നു. അതിനാല് തന്നെ ബോധവൽക്കരണവും വളരെ പ്രധാനമാണെന്ന് മന്ത്രി കൂട്ടിച്ചേർത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
