കോഴിക്കോട്: ഉള്ള്യേരിയില് ആനവാതിലില് ഏഴുവയസുകാരന് കുളത്തില് മുങ്ങിമരിച്ചു. എരവത്തുകണ്ടി ഫൈസല്- നസീറ ദമ്പതികളുടെ മകന് നസീഫ് അന്വര് ആണ് മരിച്ചത്. വാടകയ്ക്ക് താമസിക്കുന്ന മുണ്ടോത്തുള്ള വീടിന് സമീപത്തെ പാറക്കുളത്തിലാണ് കുട്ടി വീണത്. കോഴിക്കോട് മെഡിക്കല് കോളേജിൽ ചികിൽസയിലിരിക്കെ വൈകിട്ടോടെയാണ് മരണം സംഭവിച്ചത്.
വീടിനു സമീപത്ത് കളിച്ച ശേഷം ഇളയ സഹോദരനോടൊപ്പം കാല്കഴുകുന്നതിനായി എത്തിയപ്പോള് വെള്ളക്കെട്ടില് വഴുതി വീഴുകയായിരുന്നുവെന്ന് ബന്ധുക്കള് പറഞ്ഞു. ഉടന് തന്നെ മൊടക്കല്ലൂര് മെഡിക്കല് കോളേജ് ആശുപത്രിയിലും പിന്നീട് കോഴിക്കോട് മെഡിക്കൽ കോളേജിലും എത്തിച്ചു. കക്കഞ്ചേരി മര്ക്കസ് പബ്ളിക് സ്കൂളിലാണ് നസീഫ് അന്വര് പഠിക്കുന്നത്.
Read Also: പിടി തരാതെ കുറുക്കൻമൂലയിലെ കടുവ; പുതിയ സിസിടിവി ദൃശ്യങ്ങൾ പുറത്ത്
