ഇൻഡോർ: മധ്യപ്രദേശിലെ ധർ ജില്ലയിൽ ബസ് നർമദ നദിയിലേക്ക് വീണ് 13 പേർ മരിച്ചു. 15 യാത്രക്കാരെ രക്ഷപ്പെടുത്തി. അറുപതോളം പേർ ബസിൽ ഉണ്ടായിരുന്നുവെന്നാണ് നിഗമനം. ഇന്ന് രാവിലെ ആയിരുന്നു അപകടം. മഹാരാഷ്ട്രയിലേക്ക് പോവുകയായിരുന്ന ബസ് റോഡിൽ നിന്ന് തെന്നിമാറി കാലഘട്ട് പാലത്തിന്റെ കൈവരി തകർത്ത് നദിയിലേക്ക് വീഴുകയായിരുന്നു.
ഇൻഡോറിൽ നിന്ന് പുണെയിലേക്ക് പോകുന്ന ബസാണ് അപകടത്തിൽപ്പെട്ടത്. ബസ് പൂർണമായി നദിയിൽ മുങ്ങിയ നിലയിലായിരുന്നു. ബസ് നദിയിൽ നിന്ന് പുറത്തെടുത്തിട്ടുണ്ട്. ദുരന്ത നിവാരണ സേനയുടെയും നാട്ടുകാരുടെയും സഹകരണത്തോടെയാണ് രക്ഷാപ്രവർത്തനം നടക്കുന്നത്. നദിയിൽ നല്ല ഒഴുക്ക് ഉള്ളതിനാൽ മരണസംഖ്യ ഉയരാനാണ് സാധ്യതയെന്ന് പോലീസ് അറിയിച്ചു.
Most Read: വിമാനത്തിനുള്ളിലെ പ്രതിഷേധം; കെഎസ് ശബരീനാഥിനെ ചോദ്യം ചെയ്യും