പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) വനിതാ കമ്മിറ്റിയുടെ പതിനൊന്നാം വാര്ഷികാഘോഷ ലോഗോ പ്രകാശനം ഉപദേശക സമിതി ചെയർപേഴ്സൺ ബീക്കുട്ടി ടീച്ചർ നിർവഹിച്ചു.
ലോഗോപ്രകാശന ചടങ്ങിൽ നിന്നുള്ള ദൃശ്യം (Photo: Client Supplied)
മലപ്പുറം: പൊന്നാനി താലൂക്കിലെ വിവിധ മേഖലയിലെ വികസന പ്രവർത്തനങ്ങളും സാമൂഹിക സാംസ്കാരിക ഇടപെടലുകളും ലക്ഷ്യമാക്കി പ്രവർത്തിക്കുന്ന പിസിഡബ്ള്യുഎഫിന്റെ വനിതാ വിഭാഗമാണ് അവരുടെ പതിനൊന്നാം വാര്ഷികം ആഘോഷിക്കുന്നത്.
2025 ഡിസംബർ 30ന് ചാണാറോഡ് വഹീദ ഓഡിറ്റോറിയത്തിൽ നടക്കുന്ന ആഘോഷ പരിപാടികളുടെ പ്രഖ്യാപനമായാണ് പരിപാടിയുടെ ലോഗോപ്രകാശനം നിർവഹിച്ചത്. താലൂക്കിലെ സ്ത്രീസമൂഹത്തിന്റെ ശാക്തീകരണത്തിനും പുരോഗതിക്കുമായി പ്രവർത്തിച്ചു വരുന്ന വനിതാവിഭാഗം ആഘോഷത്തിന്റെ ഭാഗമായി വിവിധ പരിപാടികൾ ആസൂത്രണം ചെയ്തതായി സംഘാടകർ അറിയിച്ചു.
നവംബർ 1ന് കേരളപ്പിറവിദിനാചരണം, 14ന് ശിശുദിന ചിത്രരചനാ മൽസരം, 26ന് സ്ത്രീധന വിരുദ്ധ ബോധവല്ക്കരണം, ഡിസംബറിൽ മെഡിക്കൽ ക്യാമ്പ്, പാചക മൽസരം തുടങ്ങിയ വിവിധ പ്രചരണ പരിപാടികളാണ് PCWFസംഘാടകർ ആസൂത്രണം ചെയ്തിരിക്കുന്നത്.
പാലക്കൽ ഓഡിറ്റോറിയത്തിൽ ഉപദേശക സമിതി ചെയർപേഴ്സൺ ബീക്കുട്ടി ടീച്ചർ ലോഗോ പ്രകാശനം നിർവഹിച്ചപ്പോൾ സംഘാടക സമിതി ചെയർപേഴ്സൺ എംഎം സുബൈദ ചടങ്ങിൽ അധ്യക്ഷത വഹിച്ചു.
ടി മുനീറ, എസ് ലത വിജയൻ, ഖദീജ മുത്തേടത്ത്, ആരിഫ പി, മാലതി വട്ടംകുളം, റഫീഖത്ത്, അസ്മാബി, റംല കെപി, സബീന തുടങ്ങിയവർ സംബന്ധിച്ചു. ജനറൽ കൺവീനർ റോഷിനി പാലക്കൽ സ്വാഗതവും, റാഫിന ശിഹാബ് നന്ദിയും പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
