വെറും11.43 സെക്കൻഡ്, പൈനാപ്പിൾ തൊലികളഞ്ഞ് കഷ്ണങ്ങളാക്കി; റെക്കോർഡ് നേടി യുവതി
സ്ളോവാക്യകാരിയായ ഡൊമിനിക് ഗസ്പറോവ എന്ന യുവതിയാണ് ഗിന്നസ് വേൾഡ് റെക്കോർഡ് നേടിയത്. 17.85 സെക്കൻഡ് എന്ന മുൻ റെക്കോർഡിനെയാണ് ഡൊമിനിക് ഗസ്പറോവ മറികടന്നത്.
മുള്ളുകളുള്ള കാഠിന്യമേറിയ തൊലിയുള്ള കൈതച്ചക്ക മുറിച്ചെടുക്കുന്നത് പലർക്കും ബുദ്ധമുട്ടുള്ള കാര്യമാണ്. എന്നാലിതാ, പൈനാപ്പിൾ തൊലി ചെത്തി മുറിച്ചെടുക്കുന്നതിൽ ലോക റെക്കോർഡ് നേടിയിരിക്കുകയാണ് യുവതി.
സ്ളോവാക്യകാരിയായ ഡൊമിനിക് ഗസ്പറോവ എന്ന യുവതിയാണ് ഗിന്നസ് വേൾഡ് റെക്കോർഡ് നേടിയത്. യുവതി അതിവേഗത്തിൽ കൈതച്ചക്ക മുറിക്കുന്ന വീഡിയോ ഗിന്നസ് വേൾഡ് റെക്കോർഡ്സിന്റെ ഔദ്യോഗിക ഇൻസ്റ്റഗ്രാം ഹാൻഡിൽ പങ്കുവെച്ചിട്ടുണ്ട്.
ഡൊമിനിക് വളരെ വേഗത്തിൽ കൈതച്ചക്കയുടെ തൊലി ചെത്തിക്കളയുന്നതും മാംസളമായ പഴം മുറിച്ചു ചെറിയ കഷ്ണങ്ങളാക്കുന്നതും വീഡിയോയിലുണ്ട്. 11.43 സെക്കൻഡിനുള്ളിലാണ് യുവതി ഇത്രയും ചെയ്തത് എന്നാണ് കൗതുമുണർത്തുന്നത്.
17.85 സെക്കൻഡ് എന്ന മുൻ റെക്കോർഡിനെയാണ് ഡൊമിനിക് ഗസ്പറോവ മറികടന്നത്. നിരവധിപ്പേരാണ് ഈ വീഡിയോക്ക് പ്രതികരണങ്ങളുമായി എത്തിയത്. ഇതുവരെ 9.5 മില്യണിലധികം കാഴ്ചക്കാരാണ് ഇൻസ്റ്റഗ്രാമിൽ വീഡിയോ കണ്ടത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
