പുഴയിൽ നിന്നു രക്ഷപ്പെട്ടവരും രക്ഷപ്പെടുത്തിയവരും (രക്ഷകരായ മുഹൈമിനും ഷാമിലും ഇടത്തുനിന്ന് നാലാമതും അഞ്ചാമതും), Image Courtesy: Manoramaonline
നാദാപുരം: പുഴയിൽ കുളിക്കാനിറങ്ങി അപകടത്തിൽപ്പെട്ട ഒരു കുടുംബത്തിലെ 5 പേരെ 2 വിദ്യാർഥികൾ സാഹസികമായി രക്ഷിച്ചു. വെള്ളിയോട് ഗവ. ഹയർ സെക്കൻഡറി സ്കൂളിനു സമീപമാണ് സംഭവം നടന്നത്.
വാണിമേൽ സിസി മുക്കിലെ പടിക്കലകണ്ടി അമ്മതിന്റെയും സുബൈദയുടെയും മകൻ കല്ലാച്ചി ഹൈടെക് ഹയർ സെക്കൻഡറി സ്കൂൾ വിദ്യാർഥി മുഹൈമിൻ (15), വയലിൽ മൊയ്തുവിന്റെയും അസ്മയുടെയും മകൻ വാണിമേൽ ക്രസന്റ് ഹയർ സെക്കൻഡറി സ്കൂൾ വിദ്യാർഥി ഷാമിൽ (14) എന്നിവരാണ് ഒരു കുടുംബത്തിന് രക്ഷകരായത്.
പരപ്പുപാറയിലെ വ്യാപാരി കൂട്ടായിച്ചാലിൽ സുരേന്ദ്രന്റെ മകൾ ബിൻഷി (22), സുരേന്ദ്രന്റെ സഹോദരി സൗമിനിയുടെ മകൾ ബെംഗളൂരുവിൽ നിന്നെത്തിയ സജിത (36), ഇവരുടെ മകൻ സിഥുൻ (13), മറ്റൊരു സഹോദരി കല്ലുനിര സ്വദേശി ഷീജയുടെ മക്കളായ ആശിലി (23), അഥുൻ (15) എന്നിവരെയാണ് മുഹൈമിനും ഷാമിലും രക്ഷിച്ചത്.
സ്കൂൾ ഗ്രൗണ്ടിൽ ഫുട്ബോൾ പരിശീലനം കഴിഞ്ഞു പുഴയിൽ കൈകാലുകൾ കഴുകാൻ പോയ മുഹൈമിനും ഷാമിലും ബഹളം കേട്ടാണ് ഓടിയെത്തിയത്. രക്ഷിക്കണമെന്ന് ആവശ്യപ്പെട്ടുള്ള മുറവിളി കേട്ടതും ഇരുവരും പുഴയിലേക്ക് ചാടുകയായിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
