പനാജി: സംസ്ഥാനത്ത് നടക്കാനിരിക്കുന്ന നിയമസഭാ തിരഞ്ഞെടുപ്പിന് മുന്നോടിയായി രണ്ടാംഘട്ട സ്ഥാനാര്ഥി പട്ടിക പുറത്ത് വിട്ട് ഗോവ ആം ആദ്മി പാര്ട്ടി. കഴിഞ്ഞ ദിവസം പുറത്ത്വിട്ട പട്ടിക പോലെ പത്ത് പേരാണ് പുതിയ ലിസ്റ്റിലുമുള്ളത്. ഗോവയിലെ സംഘടനാ ചുമതലയുള്ള അതിഷി മര്ലേനയാണ് പട്ടിക പുറത്തിറക്കിയത്.
മുന് ബിജെപി നേതാക്കളായ രാമറാവു വാഗ്, സുദേഷ് മയേകര് എന്നിവരോടൊപ്പം പാര്ട്ടി സംസ്ഥാന കണ്വീനര് രാഹുല് മാഹ്ബ്രയും പുതിയ പട്ടികയില് ഇടം പിടിച്ചു. സംസ്ഥാനത്ത് വലിയ രാഷ്ട്രീയമാറ്റമാണ് ആം ആദ്മി ലക്ഷ്യമിടുന്നതെന്ന് അതിഷി പറഞ്ഞു. കഴിഞ്ഞ ദിവസം പുറത്ത് വിട്ട പത്തംഗ സ്ഥാനാര്ഥി പട്ടികയില് ബിജെപി മന്ത്രിസഭാംഗമായിരുന്ന അലിന സാല്ധാനയും ഉള്പ്പെട്ടിരുന്നു.
ആദ്യ ഘട്ടത്തിൽ സംഖ്യത്തിന് തയ്യാറാണെന്ന് സൂചിപ്പിച്ചിരുന്ന എഎപി പിന്നീട് ഒറ്റക്ക് മൽസരിക്കാനുള്ള തീരുമാനത്തിലേക്ക് എത്തുകയായിരുന്നു. അതേസമയം, കഴിഞ്ഞ ദിവസം എംഎൽഎ സ്ഥാനമൊഴിഞ്ഞ പ്രസാദ് ഗോയങ്കര് കോണ്ഗ്രസില് ചേര്ന്നേക്കുമെന്ന് സൂചനയുണ്ട്. യുവമോര്ച്ചയുടെ മുന് നേതാവായിരുന്ന ഗഞ്ജന് ടില്വയെയും പാർട്ടിയിൽ ചേരാൻ കോണ്ഗ്രസ് ക്ഷണിച്ചിട്ടുണ്ട്.
Read also: പഞ്ചാബിലെ സുരക്ഷാ വീഴ്ച; എസ്പിക്കെതിരെ നടപടി
