ന്യൂഡെൽഹി: ബിജെപിയിൽ ചേർന്നതിന് പിന്നാലെ ബോളിവുഡ് താരം മിഥുൻ ചക്രബർത്തിക്ക് വൈ പ്ളസ് വിഐപി സുരക്ഷ ഏർപ്പെടുത്തി കേന്ദ്രം. സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സിനാണ് സംരക്ഷണ ചുമതല.
മിഥുൻ ചക്രബർത്തിയുടെ വസതിയിലും പരിസരത്തും സുരക്ഷാ ഉദ്യോഗസ്ഥരെ വിന്യസിക്കും. കൂടാതെ, പശ്ചിമ ബംഗാളിലെ പ്രചരണ ക്യാംപയിനുകളിൽ മിഥുൻ ചക്രബർത്തിക്കൊപ്പം സുരക്ഷാ ഉദ്യോഗസ്ഥരും ഉണ്ടാകും.
കൊൽക്കത്തയിലെ ബ്രിഗേഡ് പരേഡ് ഗ്രൗണ്ടിൽ പ്രധാനമന്ത്രി നരേന്ദ്രമോദി പങ്കെടുത്ത ചടങ്ങിലാണ് 70കാരനായ മിഥുൻ ചക്രബർത്തി ബിജെപിയിൽ ചേർന്നത്. താരത്തിന് ഭീഷണി നിലനിൽക്കുന്നതിനാലാണ് വൈ പ്ളസ് വിഐപി സുരക്ഷ ഏർപ്പെടുത്താൻ ആഭ്യന്തര മന്ത്രാലയം അനുമതി നൽകിയതെന്നും സുരക്ഷാ ഉദ്യോഗസ്ഥർ പ്രതികരിച്ചു.
മാർച്ച് 27 മുതൽ ഏപ്രിൽ 29 വരെ എട്ട് ഘട്ടമായാണ് ബംഗാൾ തിരഞ്ഞെടുപ്പ് നടക്കുക. മുൻപ് ഝാർഖണ്ഡിൽ നിന്നുള്ള ബിജെപി എംപിയായ നിഷികാന്ത് ദുബൈക്കും കമാൻഡോ സുരക്ഷ ഏർപ്പെടുത്തിയിരുന്നു. ഇതോടെ രാജ്യത്ത് സിഐഎസ്എഫ് സുരക്ഷ ലഭിക്കുന്ന വിഐപികളുടെ എണ്ണം 104 ആയി. ആർഎസ്എസ് മേധാവി മോഹൻ ഭാഗവതും ദേശീയ സുരക്ഷ ഉപദേഷ്ടാവ് അജിത് ഡോവലും ഇതിൽ ഉൾപ്പെടും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
